شياطين الانس
حلقة 3
للكاتبه اسيل بن ناصر
....
ولو سألتني عن الحُب .. لحدثتك كيف يحول شخص واحد فقط .. بِـ إتصال واحد فقط .. بِـ رسالة واحدة فقط .. بِـ كلمة واحدة فقط، حياة شخص آخر، من العدم إلى الوجود، من التعب إلى العافية، كيف يُعيد لهُ رئتيه، وملامحهُ، وضحكتهُ، وشعوره بِـ الرغبة في الحياة أكثر، الحُب شيء أقرب لِنفخ الروح ..💙
#_أحمد_خالد_توفيق
...
وقف اكرم بتردد قدام باب الدار وبيفتح باب بس كان في شي مانعه في نفس وقت في شي يشجع فيه يخش ايشوفها.. وفجاءه الباب انفتح وكانت ساره لابسه بدي نص كم احمر وسروال امريكي لونه رمادي من نوع سبورت واسع وفي مسكه من تحت ولابسه صندل خفيف ولافه شعره فوق بطريقه حلوه وكان خصلات مرميه ع عيونها بشكل مغري.. لوت وجه بعد شافت اكرم..
ساره وهي تحط يدها في نصها.. نعم شن تبي جاي لداري..
ضحك اكرم بشكل مغري.. وانت شن يقول عقلك..
ساره برتباك..اسمع انت خطاني ايوه هي كم يوم ونروحو لكندا ونسيبلك ليبيا كله و..
ضحك اكرم من كلامها..مش ملاحظه انك مكبره موضوع انا جاي لداري..مش مدورك بكل راه
ساره برتباك وجها انحمر من كلامه..ومالقوه يحطوني الا جنبك..
ضحك اكرم وقرب منها لحد مازرها ع باب..وكني نا انخوف ولا خايفه ناكلك..
....
رفعت ساره عيونها وبحتث في عيون اكرم وهو نفس شي سرح في عيونها..وجاذبيه وجه طفولي ..
وبنت عطرها خذراته بالكامل هل شعور بالضعف ماعمره حس بيه اتجاه بنت هو متعود ان بنات هن لي يجرن وراه ويبن ارضاه..
....
فجاءه بعد من عليها من غير مايحكي وخش لدار وساره حطت يدها ع قلبها وهي ترجف مع بعضها من خوف ارتباك شعور جديد بالنسبه لها اكرم بالنسبه لها كان راجل رجولته طاغيه من حيث تصرفات وحركات..تنهدت وسقمت شعرها ونزلت لوطا...
......
في دار اكرم قعد ع سرير وهو يهز في رجله بنفعال وصورة ساره مافرقتش عقله..ملامحها عطرها شعرها تنرفز من الي صار وخش ياخذ دوش بارد يبعد عن هل افكار..
....
نزلت ساره للصاله وكانت تسمع في هدرزه وضحك..خشت للصاله..
ساره..السلام عليكم..
خوله والي في صاله..وعليكم سلام صح نوم..
ضحكت ساره وقعدت جنب عمتها..ايسلمك كنت محتاجه هل نومه والله..
ودارت بعيونها في صاله الي كانت فيها بسمه وجنبها مرات عمها عمر..وسهام وسلوي..
ابتسمت سهام لساره وبادلتها ساره ابتسمه..
ساره..وين باتي ياعمتي..
خوله..مالش نص ساعه راقد جدك ماطلقه من كثر ماهو فرحان بيه..
ساره..قبل نبيه يوريني المكان..
نطت سهام..تو نطلع نا وياك شن رايك..
