شياطين الانس للكاتبه اسيل بن ناصر ..مكتمله

حلقة41

شياطين الانس
للكاتبة اسيل بن ناصر
حلقة 41

٠٠٠٠
ولسوف يُعطيك رغماً عن تقصيرك، ولسوف ترضى رغماً عن يأسك.

"ولسوف يُعطيك ربُك فترضى"🌥️🐚

....
في حوش عمة مريم فتحية
مريم كانت مصدومه والليل كله حاطه يدها ع بطنها وهي تذكر كلام الدكتوره..مبروك انتي حامل بس لازم تهتمي بنفسي اكثر عشان البيبي..
مريم..انا حامل ..متاكده يادكتوره.
دكتوره مبتسمه تعالي ع جهاز نشوفو كم عمر جنين..

مريم قدمت ورقدت ع سرير كشفت الممرضه ع بطنها حطت شوي من الجل وبدت تمرر في جهاز وتبتسم..كيف ماتوقعت بيبي عمره شهر واسبوع ..

مريم كانت مصدومه وفي نفس الوقت فرحانه..
كانت مبتسمه ودكتوره تشرحله ع جهاز وان مع شهور صوره البيبي اتكون اوضح..
كتبتلها ع ادويه ووصفتلها تغذيه اتركبها واكدت عليها اتابع من دكتوره..

....

ردت  مريم للواقع ومسحت ادموعها وهي خاطرها مكسور كانت اتمني ان تعيش هل فرحه مع منذر انها تكون هي وياه توا عند دكتوره وتكشف عليها وتباركلهم بس منذر كسر خاطرها بعد كل شي دراته له تحملت انانيته تحملت كسرت خاطرها بعد جاته عروس تحملت لما فرض عليها يرد امل..واخر شي يصدق امل ويطردها ويهينها حتي بدون مايسمعها..وكيف ماحسمت امرك يامنذر حتي نا حسمت امري ومستحيل نرجعلك هل عيل الي في بطني ح يعوضني عن كل شي..هذي فرحه عمري ومستحيل نعطيها لك...

.ــــــــــــــــــــــــــــــــــ
في مربوعه..

عند فتحيه وبات مريم.
فتحيه عارفه خوها اضايق بعد علم ان بنت حامل وردتله..يااوخي اسمع راه البنت مادام راجلها طلقها وهي حامل معناها الطلقه غير واقعه وانشد عليها حتي شيخ..

بات مريم..وانتي شن يقول عقلك يافتحيه انردها له بعد ذلها وكذبها...عارف ان هي توا مازال ع ذمتها بس نا بنتي مش رادها له..

فتحيه وهي اتهدي فيه..لا ماقلت هك بس لازم يعرفو بحمل مريم عشان يعرفو ان البنت مازال ع ذمت ولدهم نا مريم ماهي رخيصه عندي وزي بنتي واكثر..ح نحطها في عيوني ومانقص عليها شي طول هل تسع شهور وبعد اتجيب نطلقوها..

بات مريم وهو يصبي..انتي هك قولك..

فتحيه ..نا هضا راي اعطي العلم لعمها فرحات وقوله راه الحمل مايغير شي البنت بعد اتجيب تطلق وولدك ربي يسهله..

طلع بات مريم من مربوعه.. فتحيه معش قدرت ادس ادموعها قعدت تبكي بالعبره ع مريم وهي ذنب ياكل فيها لانه هي الي اقنعتها اتوافق هي الي طمنتها..
حست بيد انحطت ع كتفها رفعت راسها شافتها مريم..

مريم مبتسمه..ليش تبكي ياعمتي هضا شي ربي قسمه وكتبه ليا الحمد الله ع كل حال انا مش مضايقه ولا زعلانه هضا نصيبي انا بس ياعمتي الي قاهرني اني ماقصرت معاها في شي واني مافي يوم ظلمته حتي بعد جاني وقالي بنرد امل وقفت معاه ونا عارفه ان ردتها مش ح تكون بساهل.. بس هو صدقها ونا كذبني ونسا كل شي نسا الي درته له.. وعمتي الي عاملتها كيف امي  الي كنت نقضي كل يومي وكل وقتي معاها غير شن تبي ياعمتي بعد منذر وقف في وجهي وكذبني حتي بالكذب مادافعت عليا وحتي بعد طلعت ماسالت فيا نا قلبي وجعني ع روحي قلبي واجعني اني عاملتهم بنيه طيبه وهم عاملوني  ولا كاني حاجه كان وجودي من عدمه...