شياطين الانس للكاتبه اسيل بن ناصر ..مكتمله

حلقة31

شياطين الانس
اسيل بن ناصر
حلقة31
‏"✨🥀حتى عندما أعجز تمامًا عن قول الدعاء المناسب لشعوري،✨🌿 كان يكفيني جدًا أن أضع يدي على قلبي وأردد : "🥀اللهُم قلبي لأطمئن و أنجو."🧡
....
في حوش فرحات..
خذا منذر غذاء مؤيد يشيله فيه ع نزلت امل..
امل..لمن شايل هل غذاء..
منذر..لمؤيد مش جاي ع غذاء..
امل بغيره..طبعا دلع لبرنسيسه سندس اتقول هي العروس..
منذر..لا وانت صادقه عشان حامل وتعبانه..

امل حست بالغيره وحسد وماتكلمت طنشت وخشت..
ومنذر طلع ومشا شور السياره..
امل خشت في حوش ولقت عمها فرحات..قاعد في صاله ايقلب في تلفزيون..
امل..سلام عليكم ياعمي..
فرحات وعليكم سلام شن حالك اليوم..

امل..حمد الله..امالا وين عمتي..

فرحات...في كوجينه معها مريم..اتعاون فيها ع غذاء..

امل بمجرد سمعت اسم مريم وجها انقلب..
ومشت شور المطبخ خشت سلام عليكم وقربت من ام منذر تسلم عليها بالخد وتضبط..

وماعبرت مريم الي كانت قاعده ع طاوله..

ام منذر..وينك ياحنه الظهر اذن من مبدري..

امل..عروسه عاد ياعميمه..

ام منذر..عروس ايش دوتها انتي راجلك رادك من بعد طلاق..
مريم شدت ضحكتها وامل قلبت وجها

وجت امل بترد ع خشت مروان..

مروان وهو يضحك قرب حب ع راس امه..خير ياغاليه شن دايره اليوم..

ام منذر..حمد الله جيت في وقتك عدي بدل عشان اتغذاء..

مروان ضحك..خير يامريم شن حالك اليوم..
مريم في نعمه والحمد الله..
وقلب وجه لما شاف امل الي كانت واقفه وتبحث فيه مبتسمه..تستني فيه يكلمها بس مروان ولا عبرها وطلع من مطبخ وهو متنرفز لفكرت انها ردت للحوش وباين عليها انها زي ماهي ماتغير فيها شي..واحرف من قبل..
...
امل بتجعوين ..نساعدكم في حاجه ياعميمه..

ام منذر..لا ياحنه كملنا كان شي بتغسلي ماعين..

امل..وحنتي ياعميمه شن ندير بيها حرام اتحول..

ام منذر..لا ياحنه مش من اول مره اطير..توا اطلعي ماعندي ماندير بيك..

مريم..توا نغسلهن نا ياعمتي ماتخممي عليهن بكل..
ردت ام منذر..لا امل ح تغسل ماهي زايده عليك بشي بعدين هي ماعاونت في غذاء تغسل الماعين..

وطلعت امل من مطبخ راقيلها ومش عاجبها الكلام قعدت في صاله مع عمها الي كان يسمع في اخبار وعيونها ع دار مروان..وهي عارفه كويس انه في دار هارب منها..

....
عند منذر دق ع شقه مؤيد الي فتحله..

مؤيد..اووو مرحبتين انست تفضل..
منذر..يزيد فضلك لاباس ع هلك امك دزتلك غذاء.. ومدله شكاره..