شياطين الانس للكاتبه اسيل بن ناصر ..مكتمله

حلقة40

شياطين الانس
اسيل بن ناصر
حلقه 40

.......
👇‏#هذه_العبارة👇

‏"إذا أراد الله أن يُرسل لك الخير ،
حَملهُ إليكَ ولو كان على ظهر عدوّك."🧡

👆#كفيلة_بإنها_تغمر_قلبي_طمأنينة 👆👆😊⁦❤️⁩
.
"⁦❤️💙

خش منذر ومؤيد للطوارئ يجرو منذر شايل امه ومؤيد وراها.. وامهم في حاله مايعلم بيها الي ربك..

منذربخوف وهو يرعش ..حطها ع سرير وهو يبكي ويبحث في امه..ويدعي انها تكون بخير..

ومؤيد عدا يجري يدور ع دكتور مناوب وماحوتك لقاه وجا يجري وطلعهم من طورائ..

منذر ماحوتك طلع وبرم ع خوه..كنها امي شن صارلها احكي..

مؤيد..كلمتني سندس ومالقيت روحي الي نجري وخلاص ومش عارف كنها ولا فهمت كيف صارلها هك..امي كانت كويسه وبالعكس كانت فرحانه لان يوم فاتحه مروان..بالك سمعت شي مزعله ولا صارلها هبوط..

منذر ضغط ع يده بعصبيه..وهو يفكر في امه..
قعدع كرسي وحط راسه بين ايديه وهو يفكر..

ـــــــــــــــــــــــــــــــــــ

نردو بالوقت شوي قبل اسبوعين..
منذر بعد طلق مريم ورضخ لطلبات امل طرده فرحات من حوش واعطي مؤيد شقه الي كانت فيها امل ومنذر..واعطي مروان شقه تانيه..الي كانت فيها مريم..
اما منذر شراء حوش بره وجهزه و امل الي كانت فرحانه بطير بالشي الي دراته كيف طلقت مريم وبعدت منذر ع هلي..

وكيف اختارت كل شي لحوشها زي ماتبي حست انها سيطرت ع منذر ووصلت للشي الي هي تبيه..

......

اما مريم روحت لحوش مع عمتها وهي مكسوره ودمعتها ع خذها وصدمه خلتها ساكته صوره منذر وكيف هانها وطلقها بين عيونها..
بات مريم كان نادم ومتاثر بالي صار لبنته ولام روحه لانه استعجل ع زواجها..

عمتها فتحيه كانت مش اقل من مريم مصدومه في جيرانها وغياب ام منذر لا كلمت ولا دورت ولا تعذرت ع ولدها وجعها هل شي من صحبتها وجارتها القديمه..

بات مريم قدم من فتحيه..اسمعي من يوم حد منهم يكلمك ع مريم ماتردي عليه ولا تعطي وجه بعد لصار نا بنتي معاذ يحلم بظفرها ناغالط من بدايه الي زوجتها عندك حق يااختي لما قلتلي بنت صغيره..

فتحيه وهي تمسح في دموعها..كل شي نصيب ياخوي وحمد الله الي جت ع هك..البنت العمر قدامها وربي يرزقها بالاحسن منه..
...

عند بتول..
اترن ع حسام ومعش رد عليها وهي خلاص من غيره مش قادره اتحمل يوم يرد عليها وعشره له وكلام سهام وعلاقته مع سلوي وحبهم كان تصرفات حسام يأكد هل شي..

في رن الرابعه رد عليها منفصل..سكنتي كنك شن تبي..
بتول وهي قريب تبكي..كنك ماترد اسبوع مخليني هك لا ترد عليا ولاتكلم كنك شن صايرلك..