حلقة 4
شياطين الانس
الكاتبه اسيل بن ناصر
....
حقيقة الإشخاص حولنا لا يعلمها إلا الله
لذلك قل دائماً اللهم دلني علىٰ من ٱراد بي خيراً و دله علي
و ٱصرفني عن من ٱراد بي شراً و ٱصرفه عني...
......
مروان بصوت مرتبك وعيونه ع امل الي كانت ولا هامها الي قدام الباب وقاعده ع سرير ببرود...
من قاعد انغير في دبشي..
مؤيد بقلق.. نبي خيط شحن هي عطي ليا..
شيرلها مروان تخش تحت سرير ..
وهي شيرتله ع روج الي ع وجه..مشي للحمام غسل وجه وحط منشف ع كتوفه بعد ماسلح سوريته..
ونزلت امل تحت السرير..
فتح مروان باب بعد مافك الشحن وعطاء لمؤيد الي بحث فيه بنص عين..من امتي تسكر في دار انت
مروان وهو حامق رد ع سرير..شن مشكله خوذ شحن واطلع نبي نرقد..
ضحك مؤيد..ايامك ياصقع غير كان في حاجه احسبنا بس..
مروان ارتمي ع سرير..حاجه كيف شنو مثلا كان ع بنات مانك خاطب...
ضحك مؤيد..قول كنت خاطب..
مروان بستغراب..كيف صار فسخت انت ولا شنو..
مؤيد بضحك..تبي حق انحس في روحي استعجلت في خطبه ياراجل سكانه وطلباتها مايكملن..
مروان بقله صبر يبيه يطلع من دار ة ..كلهن هك بعدين انت سندس ماتريحت نين خطبتها ولا ناسي شن درت..
مؤايد وهو يتافف..مش ناسي بس نحس انها نزوه وعدت هك حسيت روحي اسرعت اه كان صبرت بس..
بحث مروان في مؤيد بنص عين وهو طلع من دار..
سكر مروان الدار..اطلعي..
طلعت امل من تحت سرير وجت بتقرب من مروان وقفها بيدي..اسمعي المره هذي ربي سترها مره تانيه معش تجيني في دار ارجي نشوف طريق وبعد نجيك اطلعي..
امل برمت وجه..انت كنك قاسي نقولك مرايفه هك اتقولي..
قرب منها مؤيد وشد ع ذراعها انتي مريضه الي فات مات وهضا كله صار ونا مانعرفش انك بنت عمي هي فتره ونزوه وعدت خلاص انتي توا مرات خويا افهمي بلا طروح..
وطلع مروان من دار بحث لممر وشاف ضي دار مؤيد عرفه فيها خش كرها من داره وطلعها وسكر ع روحه باب دار وهو متنرفز من هل بلوه حط يدي ع شعره وهو حامق ونادم من تصرفه وكيف ضعف قدامها..
اذكر مروان زمان غلطت عمره الي للوقت هضا هو نادم عليها لعبه ببنات ناس وكثر وجيج الي داره ح يرد عليه اذكر قبل خمس اسنين البنت الي تعرف عليها ع نت وكيف انجذبلها وطور موضوع بالتلفون واكثر شي عجبه فيها هو اصرارها انها مادزت صورتها هل شي خله مروان يتمسك بيها رغم ان هددها بقطع علاقه وفاتها بالايام بدون اتصالات..لحد ماجاء الوقت الي اصر مروان ان يشوفها وعمره ماينسا هل يوم..
