شياطين الانس
حلقة 33
اسيل بن ناصر
لكل من يقرا❤️
جبرك الله جبر يتعجب له من فالسماوات ومن فالأرض ، جبر يعوض عن كل لحظاتك القاسية 🙏
.....
امل مشت بره صاله بتتصل بالتلفون بفاتن.. سمعت عمتها تحكي هي ومرات ابراهيم..قربت بشوش شورهن وصبت جنب الساس وهن كانن في مربوعه..
وكان صوتهن وكلامهن واضح بالنسبه لها..
ام منذر..قتلك نبي بنات شوي يطلعن من مطبخ مروان بيخش للمطبخ وبيشيل الحاجات..
مرات ابراهيم..به توا ندزلهن وحده من بنات توقضهن يطلعن وانتي كلمي..
.....
امل ضحكت وبرمت ع روحها وطلعت..ومشت شور الحمام بحكم انه جنب مطبخ رخت في مشيتها بعد شافت..البنات طلعن من مطبخ وخشت تجري ووقفت مقابله باب وهي تضحك ع خشت مروان الي انصدم بعد شافها قدامه بفستان قصير وشعرها مطلوق ومكياجها انصدم وبرم وجه بيطلع سمع صوت امه..
ام منذر..مروان استني وين ماشي...وبرمت ع امل..انتي شن جيبك للمطبخ وبهل شكل ومش متحشمه واقفه قدام سلفك هك..
امل..هو شن خششه لمطبخ نا جايه نشرب في اميه هو كيف خاش ع صبايا..
ام منذر..ماهو في اميه في صاله..
امل..مش مصقعه ماعجبتني..شنو ياعمتي بتركبيني الغلط..
مروان قبض ع يده وحمق..امي وين لتبيني نشيله..
امه قربت منه ومدتله سبت كبير شيل هضا حطه عندنا في حوش..
شاله مروان وهو منغاض من كلام امل الي طلعت وهي تضحك ع حرقه الدم الي درتها لمروان...
....
في مربوعه عند رجاله
كان رجاله الكبار منسجمين في الهدرزه ع سياسه..
وشباب نفس الشي عادل كان يهدرز مع اكرم ع شغل لعند جاته رساله ع تلفون قرب وفتحها ولقاها من امه استغرب هي مش من عادتها ادز رسايل..
قراها وصبا من جنب اكرم..
سأله اكرم..وين ماشي يا عادل.. ان شاء الله خير..
عادل.. عندي اتصال شوي ونرد وطلع من مربوعه اتصل برقم امه محد رد منه طلع ومشا شور حوش ابراهيم ولف من جهه الي لوراه يستني في امه.. تطلع..بيعرف شن تبي منه..
عند بسمه جتها رساله من بتول شافته وضحكت ونطت من مكانها مسكتها خوله وين ماشيه..
بسمه.. للحمام ياماما..
خوله.. اقعدي في مكانك شوي ونروحو لحوش.. وحولي تلفون من يدك راه نكسر ع راسك..
بسمه.. بس..
فنصت فيها خوله.. هي كلمه وحده ولا وقسم بالله الحوش معش تحلمي تطلعي منه..
بسمه رقاله وقعدت وهي متنرفزه وقريب تبكي وهي عارفه ان هذي فرصه ضاعت منها تشوف عادل و تحكي معاه.. وكانت بتول تبحث فيها ومستغربه ليش ماناضت ولا تحركت بس بسمه ماقدرت تمسك تلفون ولا ادز رساله..
