شياطين الانس للكاتبه اسيل بن ناصر ..مكتمله

حلقة70

...
شياطين الانس
اسيل بن ناصر
حلقة 70

....

إلى كل الذين تتأخر أمانيهم: ما أخذه الله فهو لحكمة، وما أبقاه لرحمة، فقد تتأخر الأماني؛ لتكثر العطايا.🎋🎋
وانت تبحث عن الحياة لا تنسى ان تعيش😆🤔🤔...

....

ساره كانت مرتبكه وترعش من خوف.. خش عليها اكرم ابتسمت وهي تبكي..

قرب منها وهو يضحك.. شنو حبيبي خوافه شن تحسي توا احسن..

ساره نفخت اشدوقها وهي تبكي.. احسن خف الوجع شن قالتلك دكتوره..

اكرم وهو يقرب منها ويمسك يدها.. حمد الله انتي وبنوته بخير طمنتني عليك وعشان راحتك يوم بتقعدي عندهم وبيدرولك دخول حبيبي..

ساره بخوف.. ليش بس نا مانبيش نبي نروحك معاك مش وضعي كويس..

اكرم وهو يزيد يطمنها.. كويس بس عشان نطمنو حبيبي.. وبعدين نا معاك مش مفارقك معاك لبكره..

ساره ابتسمت وضغطت ع يده.. ربي يخليك ليا حبيبي..

اكرم..ويخليك ليا ويحفظك.. وصبا توا بنكمل اجراءات وانجيبلك غيارات..

هزت راسها وعيونها ترقب فيه وهو يتباعد ويطلع من غرفه طوارئ..

اكرم قرب من امه وبسمه.. نا توا بنكمل اجراءات دخول لساره وبنروح نجيبلها غيارات ونجي.. خليكن معاها..

خوله.. خوذ معاك بسمه توا هي توتيلها شنطتها.. ونا تو نقعد معاها..

هز اكرم راسه ومشا شور الاستعلامات..

....

حسام طلع من احمد وهو مصدوم وعقله مشوش..كان يفكر ان لهل درجه هو غبي لهل درجه قدرت بتول تلعب بيه كيف ماكشفها كيف ياحسام بس انت تستاهل تستاهل الي ايصرلك ياما لعبت ع بنات ياما كسرت قلوب وياما هنت بنات جت من تاخذ حقهن كلهن جت من تقهرك جت من تلعب بيك وتلعب بشرفك..

....
‏إذا تولّاك الله سخّر لك كل شيء، حتى وإن كان في نظرك مُستحيلاً
اللهم تولني في من توليت.💛
...
خبط يده ع دومان بغل وجت بين عيونه سلوي والي داره فيها عيونه وهي تبكي من قهر ضرب لها حس بالغيض حس بالغباء وحس انها ح يندم لو خسرها..

طلع تلفونه وشاف رقمها واتصل بيها بس كالعاده ماردت..

شاف رقم بتول واتصل بيها..

...
بتول كانت تضحك بين بنات عمها وتدلع وتكذب لحد مارن تلفونها ضحكت..هضا حبيبي..

وناضت من جنبهن وهي تجعون..الو ياروحي..

حسام وهو منقرف منها..ايوه قتلك وتن روحكن شوي ونكون عندكن..

بتول..بتصنع..امم حبيبي نا بنتبات اليوم..