شياطين الانس للكاتبه اسيل بن ناصر ..مكتمله

حلقة79

شياطين الانس
اسيل بن ناصر 🔥
حلقة79..

....
لا تُصحِّح لأحد سوء ظنه بك ،
إن كان ذكيًا فسوف يفهمك ،
وإن كان غبيًا فلا طاقة لك به ،
وإن كان عاقلًا فسوف ينصفك ،
وإن كان مختلًا فعن مثله رُفِع القلم ،
وإن كان يحبك فسوف يحسن ظنه بك ،
وإن كان يكرهك فدعه يحترق بسوء ظنه ...👌

.....

في مستشفي..
ايمن كان رقيله من خوه الي ماكان ايرد كان رقيله من شرطه الي معبيه المستشفي وتحقق وتاخذ في اقوالهم وبعد كم ساعه سمح شرطي لاايمن ان ايروح بعد سجل بيانات ومكان السكن..

مسك يد سهام وطلع من مستشفي وعيونه ع ام اريج الي كانت تبكي ومنفعله مع طه..وطه ايحاول ايهديها وهي كان تضرب فيه وادف واندفعت شور الضابط الي كان واقف مع زوجها..

سهام شدت يدها وقربت منه..عمتي سالتني وينكم قتلها..

هز ايمن راسه وركب في سياره وعقله مع الي صار والي شافه..

سهام وهي جنبه وقابضه ع يده..حبيبي كنك شارد..

ايمن..وهو يحك في راسه..تعب ياحبيبي وموال جديد خشيت فيه..

سهام..شن قالك ضابط..

ايمن..الي صاير هضا قال جريمه قتل مضروبه ع بطنها وراسها مش طايحه كيف ماقالت امها وباتها..

سهام..تبي حق باته منظره مريب ياايمن مش عارف كيف..

ايمن وهو يفكر..ان شاء الله خير ياحبيبي انقاني تاعب يالا نرقدلي كم ساعه ونرد للمستشفي نشوف موضوع..
سهام..ان شاء الله..

....
في مستشفي كانت ام اريج اتعيط ومنهاره ونزلت في راجلها ضرب وماحوتك قدرو ايهدوها خذها ضابط هي وطه وبات اريج للمركز عشان ياخذ اقولهم ..

....
في مكتب ضابط كان ام اريج تبكي وترعش وماحوتك هدت عشان تحكي للضابط وترد ع كل اسئلته..

ام اريج وهي تمسح ادموعها..نا درت الي درته وسكت ع غلط راجلي وطه اقنعوني ان مافيش الا هل حل قدام بنتي فاانا اطريت اني انوفق مع ان هل شي غلط في غلط..

الضابط باهتمام..احكي بوضوح..

ام اريج..ح نحكي نا كنت ساكته وخايفه ع بنتي بس توا خلاص بنتي بين ايدين ربها..

وشبكت ايديها ببعضهن وهي ترعش وبدت تحكي..نا من زمان وبعد توفا راجلي الله يرحمه وسيبلي اريج كنت بشغلي وبراتب راجلي وبين هلي متريحه كنت ممرضه بس ربي..جابلي راجلي وامتحني بيه ضحك ع عقلي وخلاني نتعلق بيه وجا طلبني بس هلي رفضوه مره واتنين وثلاثه وسبب كان ان سمعته شينه شرب وسهر ومخدرات بس نا كنت منعميه وصدقت كل شي قاله ليا زينلي الدنيا بين عيوني وان اريج زي بنت ونا في عيونه واقترح عليا نهربو ونتزوجو في بدايه رفضت بس مع الحاحه وافقت وياريتني ماوفقت ياريتني قعدت مع هلي وبين خواتي..
....