شياطين الانس
حلقة21
للكاتبه اسيل بن ناصر
....
....بعد مرور اسبوع
جااسبوع الفرح والكل كانو مستعدين وكل شخص كان في باله امال واحلام..
بالنسبه لشقة سندس مشن بنات خالها فرشنها كانت شقه مش بعيد عن هلها وكانت حلوه وتصميم جديد كامله من مجاميعها مشن بنات عم سندس وبنات خالها معاذ امل طبعا الي جدها كان منبها من مش ح تحضر الفرح وكان مش عاجبها بس خوفها من جدها سكتها...
اما عروسنا تانيه مريم فبعد الموافقه عطاهم فرحات مبلغ من مال كسوة العروس وسياقها وهي بهكي قدرت اتكمل دبشها وتقدر ادير عشاء بسيط لعربها.. يوم تفريشت شقه حضرتها ام منذر وخالاته والي جا فرش شقه عمتها وبعض من جارات...
كانت شقه متغيره وجديده ام منذر غيرت فيها كل شي وتعمدت ان صبايا اعمام العيال ايتفرجن عليها بيش يوصل الكلام لاام امل..
..
اكرم كلم عمه عمر ع ايمن وهو اجل موضوع لعند ايتم الفرح.. وبالنسبه الساره انكتبت لااكرم والكل عرفها وعلمها وكانو مابين حاقد وحاسد ومابين مهنئنه...
ساره تغيرت نفسيتها وبعد الحاح اكرم قعدت اترد عليه وردت كيف قبل واحسن من قبل... نفسيتها تغيرت وجوها تغير حتي معاملتها مع عمتها خوله تغيرت وردت زي قبل واحسن..
....
عند يوسف الي كان يعيط ويخبط..روان روان زيديني فنجان اخري..
روان وهي شاده ضحكتها..يوسف حبيبي كنك اليوم هضا عاشر فنجان انصبه لك..
يوسف وهو يخبط وعيونه حمر..انتي خير امك اليوم مش كيف قبل قهوتك تعدل في راسي...
شهقت روان بستعباط..زعمك القهوةالي خذيته من صاحبتي هي سبب..
يوسف..اي قهوة عدي جيبي منها..
روان..تحسابها ابلاش املا هذي قهوة من برا بنها قوي...ممكن هذي لتعدل في مزاجك..
يوسف وهو يرعش ويخبط..عدي افتحي الخزنه وخوذي الي تبيه وجيبلي قهوة اه راسي...بينفجر..
ضحكت روان بخبث..من عيوني اعطيني رقم خزنه..
مل عليها يوسف الرقم وخشت للدار لبست وبدلت وفتحت الخزنه ضحكت وخذت شنطتها وفضتها بلي فيها..وطلعت من شقه بدون ماينتبه يوسف لانه الالم شل اطرافه..سكرت الشقه ودقت ع شقه الي مقابلتهم..
طلعت منها صاحبة الشقه..كانت مراه كبير في سن
روان اضبطتها..ح نشتاقلك..ومش ح ننسا وقفتك معاي..
اضبطتها..ولاويهمك انتي كيف بنتي والي صارلك عمره مانخلي يمشي بساهل توا خوذي شنطتك وعدي ورد بالك ع روحك..
هزت روان راسها وخذت شنطت دبشها بعد طلعته لها من شقه وخذت تاكسي وبواجه ع مطار...
يوسف كان يخبط ويتالم وكان اي صوت كفيل ان يوجعله راسه...
