شياطين الانس للكاتبه اسيل بن ناصر ..مكتمله

حلقة42

شياطين الانس
للكاتبة اسيل بن ناصر
حلقة 42

....
‏"دائمًا أشعر أن الله يُخبىء لنا المسرّات الصغيرة بين الأيام ، نحن فقط بحاجة لأن نُدركها ونأنَس بها 🌼"
💖....

بتول بستغراب.. انتي شن تقولي قصدي ليش تبيني اندير هك.. مستحيل..
سهام وهي تضحك وتحاول تقهر بتول.. والله نا حره نا نبيك اديري هك.. اف شكلك بتعبيني وماتبيش تسمعي كلام خلي نعدي لاايمن ونوري العار انتاعك...

بتول قبضت ع يدها بغل وشدت ادموعها.. تمام الي تبي تمام.. حاضر

سهام ضحكت وطلعت الروج وبحتت في مرايا حمام.. ايوه انتي هك تعجبيني حطي عقلك في راسك وبلا هبال..ودكنت الروج وطلعت ومشت لطاوله قعدت عليها وهي تضحك...

نردو بالوقت ليوم الفاتحه في ليل..

.....
خشت سهام لحوشها وهي تضحك وع طول خشت لدارها وكانت عارفه ان ايمن مازال ماروح..

شافت للتلفون بضحك وفتحاته..اكيد توا نلقا في شي وكان مالقيت فيه نعزقه شن مشكله..

وبدات اتقلب في تلفون خشت ع اتصالات لقت..اتصالها متكرر برقم مسميته حبيبي..

خشت ع رسايل وبدات تقرا في رسايل وتضحك وترد ع رسايل اقدم..

زادت قلبت في صور وهن كان الغنيمه بالنسبه لسهام..
ضحكت بخبث..والله طحتي وين استرحتي يابتول نا هك نقدر نكسر عينك ولسانك الي اطول منك..

...

سهام استنت لعند جا الصبح ومشت شور حوش   عربها صبحت ع عمتها واستاذنتها تمشي لدار بتول لانها تبي منه شي..
وفعلا رقت سهام بكل قوة لفوق وخشت ع بتول دارها كانت راقده وانفجعت ع خشت سهام..
بتول وهي تعيط...هي انتي كيف تخشي عليا بطريقه هذي ياشلتوته

سهام بتحذير..سكري فمك ياتافه والله قسم بالله فضايحك هل وقت عند ايمن..

بتول..هي انتي فضايح من ياماما..

سهام..انتي وحسام تحسابيني غافله ونزيدك صورك انتي وياه بروب الاحمر ان كان غير يشوفهن خوك...

بتول معش عرفت ماتقول وتبكشت..
كملت سهام وهي تبرم في دارها وتقعد ع صالون..هو نا ماتوقعت بنات العز ارخاص لهل درجه غير ان شاء الله مازلتي بنت ومالعب عليك..

بتول وهي تحاول تمسك روحها..انتي انتي فيش تحكي..
سهام بخبث..اف مصره تستعبطي انتي..تلفونك عندي والي فيه كله عندي راه..

وعزقتلها تلفونها ع فراش..هضا تلفونك واسمعي تعرفي من يوم قسم بالله يابتول اتبحتي فيا بس تبحيثه ماتعجبني..وسخك كله عند خوك..

بتول انهارت وهي تبكي..انتي شن تبي مني..

سهام..بلا دموع تماسيح الي زيك اخبث خلق الله شفت بلاويك مع بسمه ومع حسام ياسوسه مش قتلك ايحب اختي ليش ساكنه اتصالات ورسايل كان انتي سايبه ولعب عليك هذي مشكلتك بس توا هو راجل اختي ومحرم عليك اطيري تنزلي معش تحلمي بيه..