شياطين الانس
اسيل بن ناصر
حلقة 71
... ......
الكل يفتقد النسخة القديمة من نفسه رغم أنها كانت أضعف وأقل نُضجًا ،
ولكنها كانت أكثر سعادة وراحة .. دائمًا تبقى الطمأنينة أغلى شعور
◽◾
....
امل كالعاده ناضت الصبح ع صوت تخبيط فراس لباب شقه تافف بملل.. اف لامتي بنتحمل هل نفسيه اف كان نحسابه بيقلبها نكد هك راه ماقتلتها خليتها معاقه بس.. وضحكت بهزوه..
صبت من سريرها دوشت وطلعت لقت تلفون ا يرن كانت اسراء..
امل وهي تجفف في شعرها.. ايوه اسراء صباح خير..
اسراء مبتسمه.. صباح نور ان شاء الله غير مانوضتك..
امل.. لا لا نايضه شن حالكم وشن اخبارك..
اسراء.. حمد الله تمام في نعمه انتي شن حالك تسال عليك امي.. وع عربي..
امل بملل.. شي من بعد العزاء لا شفتهم ولا دورتهم..
اسراء.. تعرفي نسيت انقولك ثالث ليله في عزاء قعدت جنب بنت عم فراس وسمعتهن يهدرزن ع مرحومه انها كانت مخطوبه لفراس وبعدين ماصار نصيب وزوج..
امل بعصبيه..هذي قصه قديم نحبش نحكي فيها نا وبعدين هي توا عند ربها خلاص اف..
اسراء..مش قصدي شي انا ياامل بس قلتلك الي سمعته..
امل..اف يااسراء بالله سكري عندي ماندير وسكرت ع وجه اختها بغيض وهي اتمتم..حتي وانتي ميته يانجلاء مازلتي تحرقيلي في دمي..اف...
وسمعت صوت باب عرفت ان فراس وع طول حطت تلفون ع صامت ودارت روحه تحكي...بالتلفون..قصدي انا شن ذنبي من هضا كله هي الله يرحمها وقلب ومايختار يعني يااسراء عشان سمعتي هل كلام منهن اتجي تسمعيني..
وسكتت شوي وبعدها بدت تبكي..نا نا تعبت خلاص سكري معش بنحكي..
وسكرت تلفون وتعمدت تصنع البكاء حست بيد فراس ع كتفها..رفعت عيونها وهي تبحث فيه 😢..فراس انت امتي جيت..
وناضت من قدام مرايا متعمده تصنع انها كويسه وتمسح في دموعها..
فراس بتعب..كنك تبكي مع من متعاركه..
امل وهي تصنع الضيق وزعل 😢😢لا شي شي مش مهم..
فراس قرب منها وكرها من يدها وقعدها جنب ع سرير ..احكي كنك امل..
امل وهي تبكي وتشهق..كلامي ممكن يضايق فراس بس انا مضايق ومش قادره مخنوقه..
فراس وهو يشد ع يدها..بس امل انا وياك متفقين ان كل حد يحكي مع تاني بكل صراحه صح او لا لازم تحكيلي كنك انتي مضايقه مني..
امل بخبث حطت يدها ع وجه وهي تبكي وتشهق..انا نضايق لما حد قدامي يجي يحكي عن علاقتك انت والمرحومه نحس في موضوع في تقليل من قدري انا في نهايه زوجتك ولو لفتره معين ولو ع ورق..اختي توا كلمتني تطمن عليا و..
