شياطين الانس
اسيل بن ناصر
الحلقه84
......
يارب.. أيام جميلة.. وأخبار مفرحة.. وشعور جميل.. ونفس مقتنعة.. وقلب مرتاح.. وراحة بال.. وتوفيق من عندك 💖
....
يوسف بعد كم ساعه رقا للشقته وهو ياكل في بعضه بين امه ومراته انحط في موقف لا يحسد عليه..
خش للشقه وسمع صوت ماعين في مطبخ عرفها اتفش في غلها في مطبخ كالعاده تنهد وخش عليها شافها ماعطيه بظهرها للحوض وتغسل بشكل عصبي وتخبط قرب منها ومسكها من وسطها..
روان تنهدت من لمسته وقالت بصوت مغصوص.. شنو نحطلك اتغذاء..
يوسف برمها له.. مانبي شي تعالي بنحكي معاك وشاف عيونها الي كانن منتفخات من البكاء..
مشا هو وياها في صاله وقعدها مقابله له.. حبيبي ليش تبكي انا والله والله كل مانشوفك هكي مضايقه وكل مانشوف ادموعك نتعب بجد انحس في روحي مربط ومش قادر اندير شي..
روان بصوت مغصوص وتبكي.. عمتي يايوسف سمعتني كلام زي السم مع اني ماعليت صوتي عليها ورديت عليها بحترام..
يوسف وهو يزيد يقبض ع ايديها.. عارف حبيبي نا عارف وهضا الي يضايق فيا ان امي تظلم فيك وبدون سبب تجرح فيك..
روان وهي تبكي.. عابت في هلي وفيا وعايرتني بفقري.. انا انا نشتغل عشان نحب نشغل وقتي وبعدين شغل مش عيب قالتلي بتحشمي بينا قدام ناس..
يوسف وهو يمسح في دموعها.. عارف ونا قتلها عندي علم وهذا شغلها ومشروعها انتي مش مقتنعه ماتعدلي ع حد..
روان.. يوسف مش كنا متريحين في شقتنا.. مش كنت تمر كل يوم ع هلك نا نا عمري قطعتك عليهم..
يوسف تنهد.. لا والله ايسامحك حتي باتي واقف معاك بس امي معش عرفت ليش ادير هكي وليش هي عدوانيه معاك بهل شكل..
روان سكتت كمل يوسف.. اسمعي نا يوم ح نكلم بنات يحكن معاها ويحاولن ايلينن راسها..
روان مش عاجبها كلام يوسف وتبي ترد لشقتها القديم في نفس وقت هي عاذره موقفه وان مايبيش يخلي هلي بروحهم..
ناضت من جنبه وهي مش راضيه وهو تنهد وخش للدار ايغير ويفكر شن ايدير..
.....
" يعجبني بعض الاشخاص سلاحهـم العقـل وليس اللسان ضربتهم القاضية الصمت وليس كثرت الكلام ارفع كلماتك ولا ترفع صوتك فَـ المطر هو الذي ينبت الورد وليس الرعـد ".....
....
في حوش فرحات..
روحت نجمه للحوش الي امثلي زغاريت بجيتها هي وقيس..
خشت لدار الي موتيتها لها عمتها الي قعدت جنبها لعند جت امها واختها الكبيره..
مريم وسندس كان موتيات الغذاء والضيافه وكانن كانهن خوات ومش سلفات وقفات لبعضهن..
ام نجمه..ماشاء الله عليها سلفتك مريم وكالها فايح وناشطه اصلاه ع نبي..
