شياطين الانس للكاتبه اسيل بن ناصر ..مكتمله

حلقة38

شياطين الانس

اسيل بن ناصر
حلقة38
----------
‏"عن ذلك الشعُور الذي يتسلل إلى قلبي ويحدثني بأن ثمة أيام بهيجة ، ثمة نور قادم سيبدد العتمة ، يقينًا بمن قال :
أَنَا عِنْدَ ظَنِّ عَبْدِي بِي ❤️"
__________

روان جت عينها في عين لجين وهي تحكي ع تلفون وتضحك وبعدها مشت شور المطبخ... روان قلبها نغزها شكت روان في موضوع وببساطه لحقتها بدون تفكير..كان في كل بالها انها ماشيه ليوسف الي كلمها يوسف..وحست بنار في قلبها تبي تحرقه هو وياها..

....
لجين عرفت ان روان فطنتلها وهي اصلا تعمدت هل شي بس عشان تلحقها وتوري انها واقفه مع يوسف وانه ع تواصل مع يوسف..
خشت لجين للمطبخ وشافت سلوي في مطبخ وساره وبسمه يشيل بيمدن ع صبايا..

كشخت وطلعت بره شور الجنان شافته واقف ومعطيها بظهره..
لجين ابتسمت..عارفتك ح تتصل بيا..
برم عليها يوسف..انتي شن نوعك مااعتقد انك انسانه..تقريبا انتي فصيله بروحك..
رفعت لجين حاجبهاواستفزها طريقه كلام يوسف ..الكلام هضا ليا يايوسف..

يوسف بنبرة صوت عاليه..تشوفي في حد في مكان غيرك اسمعي الي بيني وبينك انتهي من اسنين ايوه وانا لا خطبتك ولا عطيت فيك كلمه كله كلام بين امي وامك ونا سكت وماعطيت راي ع موضوع بس لما لقيت موضوع فاشل انفصلنا جايتني توا بعد ازوجت تقولي خطيبتي..

لجين..بس نا كنت نستني فيك..ونا انحبك يوسف

يوسف بضحكت بهزو..لجين ع من تضحكي انتي غير مالقطي حد هضا ليش رديتي عليا اسمعي روان مراتي وحبيبتي ومستحيل انبدلها او انطلقها حطي هل شي في بالك انتي وامي وامك ايوه..ومازلتي اضايقها بكلمه نمشي لخالي انتفاهم معاه..

لجين كشخت عليه.. يايوسف ح يجي الوقت وح تندم ع كلام هضا..
وخشت وعطاته بظهرها ومشت من وين ماجات خشت للمطبخ ولقت روان مع سلوي وتهدرز وتضحك كشخت لجين عليها وخشت.. وهي حامقه من ردت فعل يوسف..
تنهدت روان بعد طلعت...وضحكت..

سلوي..شوي وفطنولك..

ضحك روان..بكل ممكن نسالك سؤال..وياريت اتجاوبيني..

سلوي مبتسمه..عادي ادللي بس ناعارفه ع شنو تبي تسالي ع لجين ويوسف صح..

هزت روان راسها..حسيت ان كان في شي بينهم

سلوي..صح كلامك.. ماننكر ان يوسف دار علاقه معاها زمان تقريبا ع ثانوي وهك بس مانسجم هو وياها ممكن طبع الله اعلم وامي كانت ديمه في مناسبات تقول انها خطيبة يوسف ولجين عاشت الدور بصراحه.. ووو لعند في يوم يوسف قاللها مانبيهاش وكل شي نصيب طبعا محد يعرف السبب بس نا اخت صاحبتي تقعد.صاحبة لجين قالتلي يوسف لقطها مع واحد في جامعه ومن يومه كارهه وكاره سيرتها يعني راه مهم قالتلك راه كذابه يوسف كم له ماكلمها..