....
شياطين الانس
اسيل بن ناصر..
حلقة 77...
....
" سُبحان من يَجبر خواطرنآ حين يَصدُ كُل شَيء ويَحنو عَلينآ إذا قسى كُل شَيء سُبحان من نحنُ بدونه لسنآ بشَيء وبه كُل شَيء "...
.....
في يوم تاني اجتمعت العيله كلها وكان الكل مرتاح وفرحان بهل لمه الحلوه الي اسراء الي كان باين انها مضايقه كان موضوع زواجها مضايقها وكان الي في بالها ان لو حكت باتها ح يزعل منها فما كان منها الا انها تسكت وتوفق..
في مطبخ كان خوله وبسمه وسلوي..وساره..
كانن واقفات ع غذاء العزومه طبعا كل شي جاهم جاهز رز بالخلط و مصارين وسلطات وموالح..
ساره وهي اطلع في صفره لااكرم..شنو خلاص مش ناقصكم شي..
اكرم..لا تمام توا كان نبي شي انكلمك..
ساره مبتسمه تمام..
وبرمت خشت ع مطبخ ع بسمه وسلوي واحلام وروان الي كان اجهزن في تباسي الغذاء والموالح..
بسمه..انقاني جعانه بعدك نضت متاخر مالحق فطرت..
سلوي وهي تضحك..انت ديمه جعانه ياحنه هي خلي انشيلو وتو اتغذي..هي احلام الحقيني للصاله..
احلام..هي انا وراك..
وطلعت بسمه وروان في جرتهن..
كانت عمران فرحان لان العيله كلها مجتمعه عيال خوه وولده.الوحيد كان الشي الي دار كله عشان ايألف القلوب بينهم..
...
سلوي قعدت جنب سهام الي كانت اتقلب في تبسيها وماتاكلش..
سلوي قربت منها..مازلتي ماتكلمتي مع ايمن..
سهام بحزن..لا حتي جيتي مع هلي من غير علمه..
سلوي..حي عليك ياسهام انتي هكي تعقدي في امور حتي لو الذنب عليه هو توا ح يحط اللوم عليك انك طلعتي من غير اذنه..
سهام وهي اتنهد..خليني في همي ياسلوي نا في شنو ولا شنو..بالله عليك انا راسي قريب يطربق من كثر مانفكر من الي اجوزها عليا وليش وامتي.
سلوي وهي تاكل..ماهو ياهبله هو بيحكيلك انتي شي مسكره راسك اليابس لو تسمعي منه وتفهمي احسلك بعد احرجي..
سهام وهي ماسكه ادموعها..انتي مش حاسه بيا بكل نا في نار في قلبي نار بمجرد ماعرفته ازوج وواجهته وهو ماانكرش خلاص معش تحملت ياسلوي لميت دبشي وجيت الهلي بس مش جايتني القوة اني نقوللهم ليش نا جيتهم خايفه ياسلوي خايفه..
سلوي بهدوء..من شنو خايفه ياسهام خلاص الي صار صار زواج وازوج شن بيتغير وسوء تو ولا بعدين هلي ح يعلموها وبعدين راه امي شاكه انك حرجانه..
سهام..ان شاء الله خير..وبدات تاكل فوق نفس بس عشان محد.ايشك فيها..
اسراء كانت بتنفجر بس مطره اتجامل كانت تبيش تمشي بس امها زرت عليها احلام نغزتها..رفعت اسراء عيونه من تبسي الي في ايديها..
