شياطين الانس
اسيل بن ناصر..🔥
حلقة 69
"المواقف فقط كفيلة بإظهار معادن الأشخاص، كفيلة بتغيير نظرتك إتجاههم، المواقف هي التي تظهر مكانتك في قلوبُ الآخرين أما الكلام فَـ الجميع يتقنه"
....
حسام كان منغاض من سلوي ومن تصرفها والبرود الي كانت في تعامل فيه كنه مش راجلها ولا هامها كيف تركب مع اكرم وهو لتفوته وزياده عن هك تحرقلي في دمي ببرودها حاولت معاها بس هي شي تعامل فيا بستحقار... بس نا توا انوريك ياسلوي توا اتشوفي الوجه تاني لحسام كان يجري بسياره وهو متعقد..
بتول بدلع وجعونه من تحت الخمار.. اف حسام بشويها كنك تجري ع مهلك..
حسام وهو يخبط ع دومان ويعيط.. سكري فمك مش عاجبك تو انزلك ع طريق..
بتول كشخت ومش عاجبها.. تافف بملل وبرمت وجه ع روشن وهي تغلي من حركة حسام وهي اتوعد اترده له غير يصبر عليها بس...
سجي نغزت امها وقربت منها..وهي توشوش.. توا ياامي هضا الي قتلي ابرمي عليه هضا حاله نفسيه ولا نسيتي..
نعيمه عضت ع شواربها وفنصت.. واطي حسك راه يسمعك شي حد ايوه فكيني من كلام الفاضي ناقتلك ابرمي عليه لانه ساهل تبرمي عقله هبل بس هضاك مستحيل ايبحث فيك راه عقله وكبده في مراته.. خوله قالتلي ميت فيها موت ومايتحمل فيها شي..
ضحكت سجي بخبث.. انتي غير اصبري عليا ونا انخلي يكرها موت ياامي..
نعيمه مش عاجبها برمت شورابها.. يستر الله منك وخلاص..
...
وصل اكرم لحوش ايمن.. نزل امه... وسلوي وبسمه نزلن بس ساره جمدت في مكانه وكانت تحس في ليه خفيفه في ظهرها ..كانت رافعه خمار وباين الالم ع ملامح وجها..
اكرم قرب منها بخوف..ساره حبيبي كنك شن تحسي.
ساره وهي دوبك تاخذ في نفسها..ليه تمشي واتجي..وتحركت وهي تحاول تنزل من سياره..
اكرم زاد قرب منها..حبيبي كان تعبانه نشيلك مستشفي..
ساره وهي اتنهد..لا لا توا احسن قتلك ليه تمشي وتجي.
اكرم وهو مشغوله..اكيد..
ساره..اممم اكيد ونزلت خمار ومسكت يد اكرم الي ساعدها تنزل من سياره..
اكرم..وهو يقرب منها..اسمعي كان زاد عليك الالم رني عليا انا قريب مش متباعد راه.
ساره..اممم تمام تمام..وقدمها للحوش وبرم وقبل يركب سيارتها خشت سياره حسام..
نزلت بتول وخبطت باب بغل..
نزل حسام..بشواش ع باب وكان يفنص ويكشخ..
نزلت عمته وسجي وهن يجرن..
قرب منه اكرم..كنك اتعيط وتخبط شن صاير.
حسام وهو يحرق ويولع سبسي..انت شلت سلوي معاك..
