شياطين الانس
اسيل بن ناصر
حلقه 58
.....
ثُمَّ مَاذَا ،
ثُمَّ السَّلاَمُ عَلَى قَلْبٍ أَنْهَكَتْهُ حُرُوبُهُ الدَّاخِلِيَّة ،"]
....
اكرم بعد طلع من حوش مشا لجده وخش هو وياه للمكتب ..
عمران ..شن ذكري بيك هل زكريا ..مش خذ فلوسه مش خذ الي اتفقنا عليه شن الي خلاه ايعاود وايكلمك ..
اكرم ..طمع ياجدي نا خايف ساره تحس ولا تفطن هو يبي شغل وفلوس ..وباين من كلامه ان لو مانفذت الي يبيه ح يوصل في ساره ويحكيلها ..
عمران ..ان كان ع شغل توا بكره نكلمهم يشغلو اي شي بس فلوس مش خذا حق وزياده ..وبعدين كان عرفت ساره شن بدير هي زوجتك وع ذمتك ح تزعل ايام وترضا بالواقع ..
اكرم ..ياجدي ساره مش بساهل ح تمشيها ليا انا مش عارف كيف طاوعتك بس ..
ضحك عمران شنو نادم انا خيرتك وانت اخترت ..وبعدين انت ناسي ساره وطبعها هي كانت مستحيل اتبحث فيك او تلفت انتباه هي من يوم يومها ومتمرده كيف امها ولو مادرت الي درته راهي توا سارحه في كندا والله اعلم متزوج او لا ...
.......
سكت اكرم وطلع من عند جده وهو مهموم وركب في سيارته وطلع بيها وهو يذكر يوم كلمه جده للمكتب ..وكلام هضا قبل اربع سنوات تقريبا ..
عمران ..اسمع يااكرم انت تربيتي ونا انعزك حتي اكثر من عيالي ..
نا نبيك في موضوع ونا عارفك قدها ..
اكرم ..شن في ياجدي والله انت معزتك في قلبي كبيره وانت عارفني كويس مانكسرلك كلمه ..والي تبيه حاضر
عمران ..نا طالبك في شي ونبيك اتفكر قبل ماترد عليا ..لانه هل شي مربوط بيه مصير العيله كلها ..
اكرم ..ونا عيوني لك الي تبيها حاضر ..
عمران نبيك تاخذ ساره بنت خالك المهدي ..
اكرم استغرب من كلام جده..هم بيروحو ..
عمران لا ومش ناوين ايروحو بس نا وياك بنديرو شي نضمنو هل بنت لنا وخالك ايروح لليبيا ..ساده من غربه وساده بنتها متربيه بره نا خايف ايجي يوم وتقعد غادي مع امها وتاخذ طبايعها اكثر واكثر وخصوصا نا عارف ولدي المهدي كيف امدلعها ..
اكرم ..وشن بنديرو قصدي انت بتكلم خالي ولا شن الي بدير بالضبط ..
عمران..نا حاط من يراقب في المهدي وزوجة وبنته غادي ..المهدي لاهي في شغل ومخلي بنته براحتها وباين انها خذت عوايد الاجانب ونا ع ماعرضت ع مهدي ايروح بس هو رافض ومسكر راسه حتي بعد طلق مراته وبنت من دلال باتها حاسها خاشه في طريق مش الها بكل ونا خايف عليها مهما كان هي من لحمنا ودمنا ..
اكرم سكت وهو يسمع في كلام جدي وعارف ان وراء هل مقدمه الطويل مصيبه ..
كمل عمران ..
ناسلطت حد ضامنه كويس ع ساره يحكي معاها ويتعرف عليها وبعد يكسب صداقتها يستدرج لشقه وانت تغتصبها و..
