شياطين الانس
اسيل بن ناصر
حلقة 39
....
رسالة لك 💕:
لا شيء يأتي كما نتمنى دائما ولكن نحن على ثقة بأن الله يخبئ لنا الأجمل 🌼
ــــــــــــــــــــــــــــــــــــــــــــــ
بسمه كرتها لدارها ومدتلها تلفون..
ساره بخوف..كنك شن صاير شن في..
بسمه..شوفي بعينك توا ليا ساعه نقرا في مسج ومستغربه..
ساره قرات الي في مسج وعقدت حواجبها..بسمه راه هضا راجل متزوج قصدي مسج هضا توا مالش اي معني..
بسمه نزلت راسها ونزلن دموعها وقعدت ع سرير..
سكرت ساره تلفون..وقعدت جنبها..اسمعي انتي مش اقل من اي بنت وبعدين هو بروحه فسخ وهو بروحه عدا خطب بنت عمك وزوج يعني محد ضربه ع يده واصلا مش من حقه ايدز هك مسج...
بسمه مسحت دموعها..انا بوضعي هضا من بياخذني..
ساره شخص شاريك ويحبك ويخاف عليك مش شخص اناني يجري وراء راي هله..
بسمه بكت وهي نادمه وتذكر كل كلمه قالتها ع ساره هي بيدها دمرت الي بينها وبين عادل في نفس الوقت كانت طيبه ساره معاها تخليها فيها تحس بضيق من تصرفاتها زمان معاها..
ساره..ليش تبكي هو الي خاسر..
بسمه ابتسمت ودموعها ينزلن..سامحيني ياساره..
ابتسمت ساره..ع شنو علي فات ..را انا نسيت الي فات لهذا ماتزعليش روحك وعادل هضا حطي رقمه في حظر وكان كثر عليك نا نكلم اكرم يتفاهم معاه..
بسمه خذت تلفونها وحطاته في حظر..
صبت ساره.. تصبحي ع خير..
بسمه.. تلاقي الخير..
.....
عند امل الي كانت في مستشفي جنبها امها وبراه كان منذر مع عمه الي كان طول الوقت ايلوم فيه ع بنته وع صارله وان بياخذها عنده وبيشكي ع مريم وان يبي يحبسها وبيطلق امل..
ومنذر كان يحاول ايهدي وع اعصابه بس مافيش فايده عمه سكر راسه ع هل كلام..
قعد منذر في مستشفي جنب عمه وبعد طلعت مرات عمه كشخت عليه وقالت بلوم..بنتي امانه في رقبتك هك ادير فيها مفروض تحطها بعيونك ع خاطر كان بتجيبلك العيل الي يشيل اسمك بس خساره فيك..
منذر مسك اعصابه..ياعمتي غير وسعي بالك واهدي وان شاء الله مايصير خاطرك الا طيب..
ام امل..اسمع بنتي ماتطمع اتروح بيها تبيها تعال لحوش بوها وترد بشروط جديده انا بنتي مش زايده عليه ايوه وضره هذي مانتريح لعند نشكي فيه انوريها كيف تفكر تضرب بنتي واضرها..
منذر بقله حيله..ياعمتي هي ناضت..
ام امل..شن تبي منها البنت ساد الي فيها شن تبي فيها..
منذر..بنطمن عليها هي مازالت مراتي وع ذمتي والي تبوه حاضر..
سكتت ام امل ومنذر خش ع امل الي كانت مغطيه وجها بذراعها وفي يد التانيه كان في كيس دم..
