شياطين الانس للكاتبه اسيل بن ناصر ..مكتمله

حلقه78

شياطين الانس
اسيل بن ناصر

حلقة 78
....
ثمة بعثرة في خواطرنا نود البوح بها...لكن بقائها في القلب⁦♥️⁩
ربما يكون اوفى....

.....

اسراء كشخت وكلامه لها خلاها تشجع ع رغم من ان شكل فراس يوحي بقوة شخصيته..

حطت القهوة ع طاوله وقعدت بعيده عليه.. تفضل قول الي تبي..

فراس ضحك.. وكنا رقيلك انتي بعدين انتي الي تبي تشوفني وتحكي معايا..

اسراء بتكشيخه.. لا انا مانبي نشوفك ولا نحكي معاك ومازلت عند كلامي الي في تلفون..

فراس.. صدقتك مهم شن شروطك..

اسراء بتطنيش.. والله كان تفوتني خير يعني قوللهم معجبتنيش..

فراس ضحك.. وصبا خذا فنجان قهوة وشرب منه.. توا انتي بتقنعيني انك مغصوبه ع زواج يعني مش فرحان قريب اطير ان في حد بياخذك..

اسراء بنفعال.. وشن تحق فيا عشان اتقولي هك اها انا مغصوبه ع زواج الموضوع كله بيدك انت ارفض وريحني..

فراس.. وليش رافضه قصدي انا شن العيب الي فيا مخليك رافضتني..

اسراء.. سكتت ونزلت راسها وهي تعصر في ايديها بغل ومش عارفه كيف اتفهمه ولا كيف تشرحله ان الي تعرفه اسراء مش مخليها بس رافضه امخليها مش متقبله..

فراس كانن عيونه عليها وع ردود افعالها كانت قدامه كانه بنت صغيره تستني في عقاب كانت متوتره خايفه طول وقت تقبض ع يدها كان الي قدامها عدوها مش ح يكون زوج لها.

صبت بهدوء.. انا الي عندي قله ياولد ناس وانت حر..

وبرمت بتطلع بس حسة بيه كرتهامن يدها لدرجه جسمه خبط في جسمه الطول رعشت مع بعضها وهي عيونها اتقابل مع عيونه الي كان باين عليها القسوة والعناد.. بس انا ماقلتش الي عندي..
اسراء زمطت ريقها ونزلت عيونها بتوتر.. اطلقني اطلقني..

فراس طلقها.. انا ماقلت اشروطي..
اسراء تباعدت من عليه.. مايهمنيش نسمعهن..

وطلعت تجري قبل مايحكي وهو لا اراديا ضحك ع طريقه كلامها وجريتها وكمل شربه للقهوة وهو يتخيل في ملامحه بين عيون. فرق كبير بينها وبين امل واجد سوء في طباع او في شكل..

.........

عند اسراء كانت تجري وترعش مع بعضها كانت خايفه ومرعوبه خشت لدارها وسكرت ع روحها دار وهي ترعش مع بعضها وتذكر في عيونه وكيف كان ايبحث فيها بتقه كان  هو صياد وهي فريسه الي بينقض عليها في اي لحظه..

....

بسمه مبتسمه.. صح ياماما تحكي جد..

خوله مبتسمه.. ان شاء الله انا قلت لجدك وخوك وانت عاد قوليها لعبدو..