شياطين الانس للكاتبه اسيل بن ناصر ..مكتمله

حلقة11

حلقة 11
اسيل بن ناصر
شياطين الانس..
لا تخسر قيمتك بكلمة👌ولا تفقد احترامك بذله👌ولا تجعل همك في الدنيا حب الناس🤷🏻‍♀️فالناس قلوبهم متقلبه تحبك اليوم وتكرهك غدا👌
..
...
..

المهدي سكت من صدمه لانه مش هذي الشي الي كان متوقعه بحث لباته بحيره وعمران كانن عيونه ع اكرم الي ماهزت في شعره طلب يوسف لساره..

...

يوسف بالحاح.. ها شن قلت ياعمي واهم عمامي موجدين كان سخر ربي ورديت عليا نقرا الفاتحه مع مؤيد..

ضحك عمران .. صوبك مستعجل يايوسف اول شي فرق العمر كبير بينكم وراه بنت بتكمل قرايتها وبتشتغل وانت ماضني تحب هل شي..

يوسف ضحك.. الي تبيها البنت وبوها حاضر شن قلت ياعمي المهدي ..

..
رد عمران ..اسمع يايوسف وقدام كل الحاضرين ساره راه مش حفيدتي وبس ساره بنتي ونا ماعطيها الا لليسعدها وقدام بوك وعمامك راه بنشاور البنت وان كان رفضت يبقي كل شي نصيب..

...
يوسف مش عاجبه الكلام..ان شاء الله ياجدي..وسكت..

عمران كان كاسر نظرها صوب اكرم الي كان مبرد ولا كان موضوع يعني بس هو من داخلها يغلي غلي وخايف البنت اضيع منه في نفس الوقت مايبيش يرمي روحه عليها وخصوصا ان متاكد انها ح ترفضه..

..
عمران ..امالا تم الكلام و توا خلونا نشوفو مؤيد وانت يامروان خليك مع امك لعند يروح منذر..ناضو الي في مربوعه...
.
.
.
عمران..اكرم اقعد اشوي نبيك..

اكرم ماتحركش من مكانه ويوسف كان مش عاجبه الي صار طلع وهو قارن حواجبه خبطه وليد ع ظهره وضحك..
والله وعندك ذوق يايوسف صار بنت المهدي..

مروان وهو يضحك..عمي مهدي راه ماضني يعطيها البنت اصغيره..

يوسف متنرفز..انت اطلع منها مش شورك..

مروان وهو يضحك..توا بالعقل اول شي فرق العمر تاني شي في اختلاف كبير بينك وبينها في تفكير توا بالعقل البنت تشوف فيها كيف مدلعه وحلوة وصغيره وانت شوفت عينك ت عمرك 35 راه 😂😂..
.
.
يوسف 😡.. امالا حاط عينك عليها انت..

مروان 😂😂..لا حاط عيني ولا وذني ياباتي نقولك حاجه ربي يقدم الي فيه الخير..

وعدا مروان وهو مخلي وليد ويوسف مع بعضهم..ماشين شور السياره..

عند عمران واكرم في مربوعه..

عمران 🤔شن رايك في يوسف.

اكرم فوق النفس 😒 شخص متخلف انت تشوف فيه كويس شن داير في خواته يعني مصدق كلام الي قاله..

عمران🤔🤔يعني من رايك نرفضو..
اكرم بهدوء..هضا شي اكيد ياجدي هو مافي خير لخواته يبقي فيه خير في ساره..

عمران بخبث😏😏هو هك ولا هك نشاورو بنت بالك عندها راي تاني..

اكرم وهو يحاول يسيطر ع اعصابه🤨🤨هي بنت وين تعرفه يكون عندها راي وبعدين ساره معتبرتنا كلنا خوتها..