شياطين الانس
اسيل بن ناصر
حلقه 61
.....
لا تعِش وحدك، ولا تمشِ وحدك، ولا تكن في أي أمر وحدك، ادع الله أن يؤنسك بمن يألفك وتألفه في خلقه، وأن يطيب روحك بيدٍ حنون فيها من رحمته، ويطبب جرحك بلسانٍ لين فيه من مودته، ويذهب قرَحك ببلسمٍ دافئ فيه من بركته، وأن لا يكتب عليك الوحدة ولا الوحشة، وأن ينفيهما عنك بأُنس في نفس لا تشق عليك، وأن يهبك من يسقيك ولا يشقيك..
لا تمثل، لا تكابر، لا تدّعي أنك بخيرٍ بعيدا عن الناس، أنت بخير بعيدا عنهم، لكن يفوتك معظم الخير في أحدهم، لا تدعه تائها عنك، ولا تتركه ضائعا بينما أنت قادر على هديه إليك بدعاء صادق..
الأُنس هو الأصل في الموضوع، ولعلي أزعم أن معنى الإنسان لم يأتِ من النسيان بقدر ما أتى من حاجة الإنسِ إلى الأُنس
......
فتحت ساره عيونها وحست بالجسم الدافي الي كان جنبها ..فنصت بعد عرفت ان اكرم هو الي راقد جنبها كان مسكر عليها بيدي ووجه قريب منها ..رعشت مع بعضها وكانت تبي تفك روحه من بين ايديه بدون ماايحس بيها بس هو كان مسكر عليها ..
التففت وهي تبحث في ملامح وجه ولحيته وبنته قربت من وجه وهي تشم في بنته ..اشتقتلك ليش انكابر بس اشتقتلك ..
حست به يبتسم انحرجت وعرفاته واعي ..
اكرم فتح عيونه ..صباح خير ..
ساره وهي منزله راسه ..صباح نور انت شن الي مخليك راقد جنبي ..
اكرم ضحك وزاد قربها منه ..هضا حقي ولا لا وعندي احقوق تانيه حارمتني منهن نا قبل نساير فيك بس توا كل شي غصب عنك عاجبك به مش عاجبك اهو ساس ..
ساره كشخت عليه وهي تحاول تفك روحها من بين ايديه ..حول باعد من عليا ولا تبي تغتصبني مره تانيه ..
اكرم فكها من بين ايديه وبرم رقد ع بطنه وهي ناضت من جنبه وتبحث فيه بنص عين بتعرف هل زعل من كلامها ولا اضايق بس خافت تكلمه ايهزبها ..
جت بتطلع من دار سمعته قال ..وتيلي دبشي وفنجان قهوة ..
ساره جت بترد بس سكتت فتحت دولاب وطلعت دبشه ومشت شور المطبخ وتتله فطور وطيبت قهوة اسهفت ع شوكلاطه قعدت ع طاوله تفتح وتاكل وتلذذ بيها ومش فاطنه لااكرم الي كان واقف ايبحث فيها وماسك ضحكته كان منظرها ايضحك ..
خش وقعد ع كرسي ..صحه ..
ساره كشخت وبحتث فيه وكملت اوكالها ..
اكرم ..جايتك ع حلو ياخوفي يجيك سكر ..
ساره ..بعيد اسو عليا ..بس تعرف الشكولاطه طعمتها مش عاديه من وين جبتها ..
ضحك اكرم وولع سبسي ..يعني من وين من دكان عادي ديمه انجيبلك فيها ..
ساره هزت راسها ..ابدا تجنن يانا عليا بس تعرف حلوتها مع شنو ..
