شياطين الانس
للكاتبه اسيل بن ناصر
حلقة 5
لازم نستوعب إنه فيه كلام زي الرصاص، بعد ما ينقال معاش ينفع تتراجع عليه مره تانيه، ولا ينفع بعده اعتذار أو أي شي تاني.. فيه كلام الدنيا تتغير بعد ما ينقال، ومستحيل ينتسا💔👌....
....
عند ساره الي كانت تحرق وتخبط..
ساره.. هل حقير كيف يشيلني بالطريقه هذي.. ناقص غير يضربني هل همجي.. نا لازم نسافر نا مدخلنيش.. بحد نا مستحيل نقعد في هل حوش لحظه وحده هل همجي..
......
سمعت ساره تخبيط ع باب عيطت بعصبيه.. الباب مسكر عليا غير ايروح بابا والله نوري علي داره فيا هل همجي..
عمتها خوله من وراء الباب.. سلم بنتي غير قصري صوتك وواطي حسك بس اكرم عصبي شوي و...
قاطعتها ساره وهي تعيط.. ونا شن خصني بيه عصبي و لامش عصبي.. هو شن يحساب روحه لا هو بوي ولا خوي شن دخله بيا بابا ماعمره حاسبني ع لبسي ولا ع طلوعي يجي هو في اخر الوقت هل تافه يحاسبني..
خوله من وراء الباب.. باهي غير توا خلي يهدي ونا توا نفتح عليك باب..
ساره وهي منفعله.. معش نبي نمشي طيرتو النيه.. غير يروح بابا معش بنقعد معاكم نا..
خوله من وراء الباب اتمتم.. ريت هل فصعونه تهدد.. اخري..
بسمه قربت من امه.. كنها تعيط هذي شن تحساب روحها..
امها جبدتها بعيد عن دار.. اس واطي حسك ساد مادار خوك الله اعلم توا خالك شن ح يدير..
بسمه.. والله خوي عند حق شن لبس الي طالعه فيه تحساب روحه في اوروبا ولا شنو صدق فيها بعدين هي تلعل وتعيط ليش..
خوله وهي تحرق.. اف خوك ح يخرب كل شي نا قتله سايرها لعند تحصل عليها بس هو بطريقه هذي خرب كل شي..
بسمه بستغراب.. كنك ياامي راه موضوع مش مستحق..
خوله بقله حيله.. اس بالله انتي مش فاهمه شي ساد خوك ومشاكله ونزلت هي وبسمه للصاله..
....
لوطه في صاله كانت سهام وسلوي مجمدات في مكانهن..
سهام وهي توشوش..يانا علي شفتي كيف شمرها ايهبل..
سلوي وهي تفنص فيها..اس واطي حسك راه يسمعك شي حد..
سهام..يانا علي ايهبل شفتي وهو منفصل راجل ياخيا تي سندس غبيه توا توافق ع مؤيد وتسيب اكرم اخ ياقهرتي غير كان يعطيني وجه بس..
ع نزلت خولة وبسمه من فوق سكتت سهام وسلوي اشوي وخش اكرم من بره وكان عاقد حواجبه..
...
بحث في سهام وسلوي.. اطلعن حسام يرجا فيكن بره..
سهام وهي تبحث فيه بااعجاب.. به وساره..
اكرم.. انتي شن دخلك بساره تبي تمشي انتي واختك حسام بره..
نغزتها سلوي وطلعن يجارن ركبن مع حسام...
خوله بغيض.. انت بدال ماتكحلها عميتها يااكرم..
