شياطين الانس
اسيل بن ناصر
حلقة28
👌🍒
#ثم على قدرِ صلاح النوايا تأتي العطايا👌🥀 💚
منذر سكر التلفون في وجه امل وشاف لي باته الي كان يبحت فيه بنص عين..
فتح منذر الروشن.. خير ياحاج..
فرحات 😒😒.. مش تخش فحوشك في هل قايله خيرلك من المراهقه وتلفونات ولا تعطي فيها الاحداثيات اول باول....
منذر قلب وجه ع🙄🙄 رنت تلفونه الي ماردش عليها..
فرحات..رد عليها وقوللها جاي نا وباتي في عشيه..
ضحك منذر وعدا فرحات فتح منذر الخط ع امل..
امل.. عليش تسكر ع وجهي..
منذر.. باتي كان يحكي معايا قتلك جايكم نا وياه في عشيه..
امل.. ع قصه الرده..
منذر امالا ع شنو مهم وتيلي روحك نبي انشوفك..
ضحكت امل.. من عيوني..
وسكرت من منذر وهي تضحك عدت لاامها وحكتلها الي صار..
ام امل.. خلاص امالا كيف ماقتلك ماتردي الا بشروطك عاجبهم باهي مش عاجبهم يربحو..
امل.. نا قلبي ناقزني من عمي فرحات نحس فيه مش بساهل بيردني..
ام امل.. توا ايجي ونشوفو..
...
منذر رقاه لشقته وهو يضحك وبيطير من الفرحه..
فتح الشقه وخش وعيونه يدورن في مريم الي كانت في صاله تفرج ع تلفزيون خش للدار شال دبشه وخش دوش وبرم ع روحه كانه عريس ومريم كانت مطنشه مع انها منتبه لحركاته بس مبينه انها مش معدله ومش مهتمه.. بس كانت حاسه وعارفه ان فرحت منذر لها علاقه باامل..
....
طلع منذر وعطر يفحفح وهو مبتسم ونزل بدون ولا كلمه خش لحوش هلي لوطه وكان باته يحكي ويتناقش مع امه الي كان باين عليه انها مش راضيه..
منذر وهو يضحك.. سلام عليكم..
امه كشخت عليه بعد شفاته لابس وباته رد عليه..وعليكم سلام واتي..
منذر..واتي ياحاج..
فرحات..امالا انتوكلو..
وصبا فرحات ووراها ولده وامه كانت تبكي واجعتها مريم ومتحشمه من فتحيه وخايفه تزعل بعد تسمع خبر ردت مراءة منذر ومريم ماطقت شي عروس عندهم..
طلع مروان وقرب من امه..توا ليش هل دموع ياامي انتي الي عليك درتي والله غالب هضا نصيب..
.....
ام منذر..نا كان نحساب هك راه ماخطبتله بالله عليك بيقرضني مع عرب بنت شن ذنبها..والله بنت ماشاء الله عليه مانقصها شي الا خوك خايب واعمي..
مروان عدا جابلها اميه وشربها..ياامي كله نصيب اهدي وخليها ع الله مش هو غاوي فيها خلي وحياتك توا بعد ينسطر ع راسه يندم ويطلب سماح منك ويرد لمراته..
