شياطين الانس
اسيل بن ناصر
حلقه 52
........
إن الله إذا أراد أمرًا أزال العواقب وأتمَّه ،
اللهم تمام الأمور ، اللهم البشائر والتياسير.🤲❤️
......
طلع حسام من داره مبتسم وجا شور امه وبسمه الي كانن في صاله يشربن في قهوة
قعد جنب امه ..شن حالك ياغاليه
ضحكت خوله بهزوه ..بعد درت الي في راسك جاي تسال ع حالي
حسام ..ياامي والله بتول بنت ناس وكويسه غير انتي عطيها فرصه يعني ع سبه الي داره عادل انتي كرهتي البنت هي ونا شن ذنبنا صوابع ايديك مش كيف بعضها
خوله ..بنت ناس ورضت تاخذك من مراتك وبعدين موضوع مش هك نا بنت هذي مانقبلها حتي واختك كانت خطيبه عادل فخفاخه ع ابيض وسوسه بس انت مغشوش فيها
حسام ..امي نا من بدايه نبيها بس انتي سكرتي راسك واخترتلي سلوي بس نا ماتريحت معاها تفكيرها محدود مش ليا بكل و...
....
خوله بعصبيه ..توا انت شن تبي جايني بتحرقلي دمي ولا شنو مش ازوجتها وتبي اتجيبها شن تبي توا
حسام قرب منها وحب راسها ..نبي ارضاك ياامي
خوله ..تبي ارضيا عدي جيب مراتك وراضيها من يوم الفاتحه وهي عند هلها خاطرها مكسور بس اتكابر حرام عليك ياحسام تعشم فيك راه البنت ماشفت منها الا خير ..
نفخ حسام بقله حيله ..هي طلعت بروحه تروح بروحها نا لا لزيتها لا جيت شورها
خوله ..لا مالزيتها بس انت راجلها مفروض تمشي وطيب خاطرها وتسال ع يوسف الي مشغولين عليه هلي هو قبل مايكون ولد عمك خو مراتك نا البنت مشيتلها كسرت خاطري والي زاد قهرني ان في كل موقف وكل عركه كنت نوقف معاك وكنت نحط في لوم كلها عليها ..
.......
حسام ..حاضر ياامي والي تبيها حاضر توا نمشولها
خوله ..وماتمشيش فاضي توا نمشي نا وياك وتشيللها طاقم ونشيلو حلو واطيب خاطرها
حسام ..حاضر ياامي توا انبدل ونطلعو مهم ترضي
ومشا شور الدار وكلام امه يدور في عقله ويذكر ان قبل بيمشي ايزورها بس بتول منعاته بحجه انها تغار عليه وانها فرصه بالك تطلب الطلاق وتريحهم كان عقله يفكر هل الي قالته امه ع بتول صح وان هو معمي من حب ولا غير هي مش فاهمته وعارفه نيتها كويس ..
.....
خوله وين ساره غريب ماجتش متعودها عليه بعد يطلع اكرم اتجينا
بسمه ..رنيت عليها قالتلي تعبانه مش قادره اتحرك
خوله ..كان اكرم طلع للعمل عدي اقعدي حداها لعند ايروح
بسمه صبت ..حاضر حتي نا مكسده اصلا تو نمشيلها
....
سندس وصلت لشقتها وهي متنرفزه وجميله اتهدي فيها
سندس..حي عليا شن اندير حي عليا
