شياطين الانس اسيل بن ناصر حلقه 36 اللهم إن في قلبي حلما لو تحقق لأشرقت حياتي فرحا 🧡 اللهم يسرلي الوصول إليه وبلغني لحظته 🧡 إنگ على كل شيء قدير 🧡
ــــــــــــــــــــــــــــــــــــــــــــ
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
روان حطت يدها ع قلبها الي كان يدق بقوة وخوف ومعش عرفت هل سبب فرحه ولا خوف مش عارفه شن اخرة الطريق الي قررت اتكملها مع يوسف..اصلا ياروان مافيش قدامك الا هك انت لاعندك شهاده وهلك مش عارفه هلي لو بنجيهم هك وبعد هل سنين بيقبلوني.. يوسف هو المخرج ياروان.. هو ملزوم كيف مادمر حياتي لازم يصلحها رعشت مع بعضها لما سمعت جرس شقتها.. كانت عارفه ان عمها عمر..يوسف من يوم قراية الفاتحه شرطت عليه مايجي للشقه ولا تبي تحقه ولا تشوفه الا للضروري قالتله روان بكل بساطه انت بالنسبه ليا جسر الي بيوصلني لهلي اكثر من هك مانبي منك شي..نبيك بس تصالحني مع هلي وبعدين ساهل... .....
عدت روان وفتحت باب لقاتها عمر..
روان.. خير ياعمي تفضل.. عمر خش وهو مبتسم.. شنو واتيه يابنتي..
روان هزت راسها ان شاء الله يوسف وين..
عمر.. ماشي عند كم مشوار يقضيهم واهو جاي وراي وانتي واتيه..
هزت، راسها وقعدت جنب عمها عمر وهي مرتبكه.. وخايفه من هل لحظه..
كمل عمر.. توا العيله كلها يستنو فيك انتي ويوسف ع اساس روحتوا من سفر ومتزوجين.. حاولي ماتحكي في تفاصيل.. هزت روان راسها وهي تفكر..
ع خشت يوسف للشقه..السلام عليكم.. عمر وروان..عليكم سلام..
وخشت روان للمطبخ تجهز في قهوة وقعد يوسف جنب باته.. عمر..جبت حاجتك.. يوسف..حمد الله جبت كل شي غير امي ان شاء الله تفكني من قلبت الوجه.. عمر..لا امك ماعليك فيها ماتاخذ علي كلامها بكل هي قدام ناس مش ح دير شي راه..
