شياطين الانس للكاتبه اسيل بن ناصر ..مكتمله

حلقة72

شياطين الانس..
اسيل بن ناصر
حلقة 72
.....

واللهِ
لو أراد الله أن يرسل إليك الخير والفرج
لحمله إليك ولو على ظهر عدوّك..⁦🗞️⁩
#فاطمئن🌾⁦❤️⁩

.....

ساره كانت لابسه وواتيه تستني في اكرم في غرفه بعد ساعدتها ممرضه تلبس عبيتها كانت قاعده ع سرير وتحاول تتصل بيه بس رقم ماايجمعش..

...
اكرم خش عليها مبتسم.. شنو قطوستي واتيه..

ساره مبتسمه..اممم من امبدري ونا نرجا وتغطيه مافيش عشان انكلمك..

ضحك اكرم..لهل درجه مستعجله ع مرواح يعني تقريبا في مستشفي مهتمين بيك..

ساره وهي تقرب منه..بس نا بعيد عن حضنك وانت عارفني مانقدرش نرقد الا هن وشيرت ع صدره..

اكرم قرصها من خدها وضحك..والله وتعلمنا نحكو ونقولو كلام حلو..وشال الشنطه وطلع هو وياها..

اكرم..امي في حوش ع نار تستني فيك من صبح وهي تتصل وتسال عليك..

ساره..نجيها اعميمه ماتحمل فيا حاجه..

اكرم وهو يضحك..حتي راجلك مايتحمل فيك شي .
وطلعو شور السياره..

...
حسام اول ما روح خش ع امه في مطبخ وتريح لما شافها واقفه بروحه ومش معاها عمته قرب منها وحب راسها..صبح الخير ياستي الكل...

خوله وهي تضحك..صباح نور ماشاء الله اليوم فرحان ان شاء الله ديمه..

حسام وهو يضحك..هم وانزاح عن صدري ياامي..

خوله منفجعه..ربي مايجيب الهم بسم الله كنك شن صاير..حي عليا سلوي فيها حاجه..

حسام..غير اهدي كنك سلوي كويسه مافيها شي سيبتها راقده..

خوله..انشغلت عليها قبل هل وقت تكون معايا يدي بيد قلت بالك تعبانه ولا حاجه..

حسام قعد ع طاوله..لا مافيها شي..

خوله وهي تقعد امقابلته..امالا كنك انت شن صايرلك بس..

حسام وهو شابك ايده الاتنين بتوتر..امي انقولك بس فكيني من كلامك نا عارفك توا تركبي فيا..

خوله انفجعت وجاب عقلها ان ازوج..حي عليا ازوجت اخري حي عليا..

ضحك حسام ع امه لعند عيونه دمعن وهي رقاله وكشخت عليه..

خوله وهي تكشخ..اسمع يافرخ مش ناقصني حرق دم ياقول كنك يااطلع من قدام وجه..

حسام..غير اهدي ياامي كنك امركبه عليا بس..

خوله وهي متنرفزه صبت من طاوله ومشت شور الكسكاس.. اسمع ياحسام شكلك رايق ع صبح ياقول الي عندك يااقلب وجك.

حسام وهو يضحك.. ياغاليه معقول هكي اتوزعيني ونا نبي نفرحك معايا ع عموم نا طلقت بتول..

وانتبه لامه الي التفتت وكان وجه باين عليه الصدمه..شن قلت ياحسام..