شياطين الانس
للكاتبه اسيل بن ناصر
حلقه 29
"🥀أكبر سجـن ممكن أن تسجن نَفسك داخلـه هو خوفك من كلام الناس🥀"
#ارضي ربـَك ثم #ضَميـرك ولا تَلتفـت #لأحد "
...
منذر كان فرحان وسط شباب وبيطير من فرحه وكان غير يرجا امتي ايتم العشاء وياخذ امل ويروح للشقه.. كان عنده كلام واجد بيقوله لها وكان يبي يبدا حياتها معاه من صفر وبينسي كل الي فات كان كل امل ان امل تغيرت..
مروان يوشوش لمؤيد.. شوف خوك وراس عيوني الا مش طبيعي اتقول مراهق..
مؤيد وهو يضحك..خلي يعيش لحظه توا بعد يروح يندم 😂😂😂..توا بعد يشوفها يتندم ع عمره الي ضاع والي مازل بيضيعه في جرتها ..
مروان برم ع اكرم..ان شاء الله عقبالك حتي انت قالو بعد اسبوعين..
اكرم ضحك..ايسلمك وعقبالك عاد حتي انت تلحلح..
مروان..لا ياباتي نا كان نلقا نقعد عزابي بس اهو البخت ونصيب بخليني نخطب..
اكرم ضحك كيف صار احكي..امالا بيغصبوك..
مروان..بالرسمي يااكرم الحاجه مسكره راسها وبعد فرح منذر بتعدي تخطب وبنديرمقابله..
اكرم..ع خير تسمع كلامي توكل..فيش ترجا يعني..
ضحك مروان..عاد انت من كيفك عن حب واخذها اسملا عليا...
اكرم..هابا غير بطل نق وصلي ع نبي..وبعدين حب حتي انت من شادك..
مروان..هو لقيت من تحبني بيش انحبها وبعدين المشكله الي بتخطبها ليا امي اول مره تقابلت معاها تعاركت معاه تخيل..
اكرم وهو يضحك..فال اكويس ان شاء الله..
وكملو ضحك وكلام وبعد ناض اكرم مع حسام يجيبو العشاء وناض معهم يعاون فيهم..
..
في صاله حوش عمران..
عند امل كانت بتاكل مريم بعيونها وهي تشوف فيها تضحك وتسلم ع بنات العيله وكيف لافته الانتباه وكلمتها ان منذر لمسها خلتها تحط تحت هل كلمه عشرين خط وكانت ع نار ترجا في مشيه لشقتها عشان تقلبها ع منذر..
فتحيه...نبيك قويه يامريم وراه حتي هو راجلك ولك حق فيه..
مريم..ياعمتي ان كان هو مش قابلني ولا قربلي شن تبيني ندير..
فتحيه علقي فيك وخليك جريئه ماتسيبي لها..
مريم سكتت..
كملت عمتها..نا نحكي هك ع مصلحتك راه ردتك للحوش مش لصالحه امك وباتك مش ح يهنوك ونا مش ديمتلك يابنتي بس هلي منذر ايحبوك وهو والله طيب وولد ناس هضا عليش بنت عمه لفت ودارت عليه اخري وهي ح تحاول اطلقك منه بس كيف ماقتلك انتي حاولي اتقربي لك..واصبري سلم بنتي وربي ح ينولك الي في بالك ..
مريم ردت ع عمتها..ان شاء الله ياعمتي ان شاء الله..
....
عند.. ساره وسهام..
سهام..باتي قالي بعد مرواح يوسف يديرو فاتحه والفرح مع ان ايمن مستعجل..معش يبي تاجيل كل شي واتي..
