.... شياطين الانس
اسيل بن ناصر
حلقة 81
......
#ثم يزول #كل شئ #ظنناه بجهلنا #باق...👌
ثم #يمرّ كل #مُرّ...🥰
#ويبقى الله #في كل #حين جابر #الخواطر... ❤️....
.....
اسراء كالعاده ناضت وراسها صداع من البكاء.. حكت شعرها... اف لاامتي يااسراء بتقعدي ع هل موال عالقه بين الماضي والحاضر من يوم شفتي الفيديو وانتي وفراس كل واحد في تركينا انتي وياه معش تناقشتو ع شي قصدي ع شنو نبو نحكو اه يااسراء انتي ظلمتي بس بس حتي هو غلط..اف نا شن دخلني وليش انفكر فيه اف يارب الله ايسامحك ياباتي زوجتني هل شخص المزاجي كل يوم بقصه وكل يوم بموال بس حتي امل ماقصرت امعاها وماخلت مادارت ... وناضت اسراء من فراشه وهي تتاوب..
....
رفعت تلفونها تشوف في وقت وابتسمت لما خطر عليها كلمت فراس لنسرين ان ماعندها تلفون..يعني كذب بس ع خاطرها غريب هل شخص شخصيتها متناقضه..اوقات اتحسه انسان لا مبالي بارد جامد قاسي واوقات يقتلها بلمساته رومانسيته جاذبيته..
خذت تلفون وطلعت للمطبخ حطت البكرج ع نار واتصلت بااحلام..
احلام وهي تضحك.. اووووه سوسو رايفت عليك شن حالك..
اسراء مبتسمه ..وانا اكثر شن حالك وشن حال امي وباتي
احلام..تمام حمد الله قتلك امتي بتجي رايفنا عليك..ايوه
اسراء..ان كان عليا يوم قبل بكره بس ع فراس..
احلام بضحكه..عيني ياعيني مهم ياريت كان اتجي يوم نبو انوتوا لفرح بسمه خلاص ثلاث ايام ع فرح دوبك ياحنه اتوتي روحك راه..يعني انتي عروس ولازم اتباني في اول فرح..
اسراء..اممم تمام توا انشوف ونقولك..
احلام..اوك تمام..
وسكرت اسراء من احلام وكملت قهوة وهي تخمم كيف تحكي مع فراس لهم اسبوع مافي حد حاول يحكي مع حد بس هدوء فراس مخوفني ومش عارفه شن وراه..ردود افعاله كلهن غريبه هدوء هل شخص كان اغرب من انفاعله..
اف يااسراء ليش غير اتفكري فيه بس..
....
في حوش عمران..
بسمه كانت تبرم في دار وهي متوتره..اتفكر وتقعد ع سرير وشوي اترد تبرم..
خشت عليها ساره مبتسمه..شنو ياعروس كنك ما فطرتي اليوم قالتلي عميمه لك يومين ماتاكلي كويس..
بسمه وهي متوتره.لا بس بس ماعنديش نيه.. يعني مش جعانه ساره امي بس فتره هدي مركزه معايا ع موضوع الفرح يعني
ساره وهي تقرب منها..كنك في شي صاير بينك وبين عبدو قصدي احكي لو في شي..ولا غير توتر وبس..
بسمه..لا والله مافي شي صدقيني وبالعكس عبدو فرحان بيطير ايعد في ايام امتي يقرا فاتحتي ونسافرو..
