شياطين الانس للكاتبه اسيل بن ناصر ..مكتمله

حلقة64

شياطين الإنس
اسيل بن ناصر
حلقة 64..
....
ٱختاري رجلاً لا ينسحب حينما يراكِ حزينة
و يتحمل غضبكِ حتىٰ و لو كنتِ عنيدة

ٱختاري رجلاً يغار عليكِ بعقل و يمضي في بحر حبكِ بجنون
رجلاً ٱنيق المشاعر .. شريف الإخلاق للرجولة في دياره عنوان

ٱختاري عاشقاً لكِ .. ٱنتِ كما ٱنتِ .. يرىٰ فيكِ كل نساء الإرض
رجلاً من النور و الإيمان .. يؤمن ٱن لا ٱمرأة سواكِ
ستكون ٱمرأته شرعاً و قانوناً و عشقاً
.......

امل طلعت متنرفزه من مطبخ مضايقه كانت بالغصب تحاول اتسيطر ع روحها بالغصب.. قابلتها اخت فراس في ممر ..

امل بعصبيه ..من هذي الي مع فراس في مطبخ ..وواخذه راحتها مع فراس ..

اخت فراس برتباك ..هذي نجلاء بنت عمي متربيه معانا دلاله هي فراس كنا شن صاير ..كنك ياامل ..

امل طنشت ومشت للحمام خشت وهي متنرفزه شكله هو وياه يضحكو كان باين عليه مبسوط ورايق مايعرف يقرن حواجبها الا معايا وهي الحق ياامل سمحه وصغيره ..

هدت روحها وبرمت ع مكياجه وطلعت من الحمام لقت وحده قدام الباب ابتسمت لما شافتها ..

البنت ..انتي مرات فراس صح ..

امل ..نعم انا امل مراته انتي من ..

ضحكت بنت وسلمت عليها ..انا نسرين بنت عمه فراس .. شن حالك اموله ..

امل مستغربه ترحيبها.. حمده الله وجت تبي تمشي بس نسرين مسكت يدها التفتت عليها امل بستغراب ردت نسرين ..سمعتك تحكي انت وفاتن راهي تكذب عليك ..

امل بستغراب  ..شن قصدك تكذب ..هو في شي دسين عليا ..

نسرين بحتث ايمين ويسار ..تعالي دار معيشه هذي فاضيه توا نحكيلك كل شي..

لحقتها امل وكلها فضول تبي تعرف قصه نجلاء هي وراجلها الفضول ملكها الي كان مع نجلاء في مطبخ غير راجلها الي تعرفه فراس ديمه متنرفز متعقد كلامه جاف مسرع ماايمد يده عنيف في تفاعله معاها ..

قعدت امل ع صالون وفضول بيقتلها ..

نسرين بدت تحكي ..راه نجلاء بنت عمي ومن هي صغيره قاعده مع عيت عمي كبرت عندهم بس بعد عمرها طق 18 خذها عمي عنده وهن بدت قصتها هي وفراس فرق عمر بينهم كبير بس هو مهوس بيها مجنون ..قعدو سنتين حب وغرام وعيله كله تعرف نجلاء لفراس وفراس لنجلاء..

مش عارفه امتي بدت علاقه بينهم بس هي ديمه كانت اتلمحله ايجي يخطبها كانت خايفه من خوها سلومه يكشفها بس فراس كان في كل مره اياجل وكل مره يسبل بشي  ..مع ان كمل شقته وحصل عقد عمل في صحراء ونجلاء وكل كانو يتوقعو ان ايجي يخطبها بس فراس مادارش خطوه رغم انه مستمر ع علاقته معاها لحد مافي يوم لقطها خوها سلومه معاها حصلت طريحه سمحه من خوها ووافق ع صاحبه انور الي خطبها ..