حلقة 14
شياطين الانس
اسيل بن ناصر
كلنا نغلطو، وكلنا نخشوا لطريق ماتليقش بينا وماتناسبناش، وكلنا مانقتنعوش لين نجربوا، لكن أهم شي أنك بعد كل غلطة تتعلم، وتصلح ،وماتقعدش حابس روحك بين حيوط الماضي، اليوم أبدا من جديد، انسى امس وجدد روحك وساوي من نفسك، وكل شي فات، تعلم منه ماتندمش عليه٠.. 🤦♂️🤦♂️
.....
قبل 8سنوات..
خليني نرد بيكم لوراي شوي ونجو عند حوش عائله بسيطه متكون من 3 افراد.. الاب والام وبنت الي طلعو بيها من دنيا دلعوها ودللوها رغم امكانياتهم البسيطه بس كانت طلباتها اوامر..الاب كان مدرس في مدرسه عامه والام ربت منزل وتشتغل في خياطه..
نحكو ع عائله روان هم عائلة مش ليبيه جو واستقرو في ليبيا من قبل حتي تنولد روان الي جتهم بعد 7اسنين زواج..
روان كانت من كثر دلع تطلب والي تبيها تكون عندها ماحرمها باتها ولا امها لا من لبس او طلوع او حتي عيد ميلاد وهل شي زاد من الانانيه عندها..
وهذا هو اكبر غلط يرتكبوه الاهل في بعض الاحيان بعد تقول لا لابنك او لبنتك مش معناها انك حرمته من شي هو محتاجه بالعكس انت تعلمه ان في اشياء ممكن يحصل عليها او في اشياء لا يعني هل شي ينمي في داخله صفة الاكتفاء وان يرضا بالواقع ومايحلم بالشي الموجود عند غيرها..
.
.
..وهضا الي صار لروان🤦♂️..كانت تطلب وتلقي طلباتها بدون تعب اوجهد كان باتها لاهي بالشغل بمدرسه ودروس خصوصي وامه نفس شي طلبات خياطه بس هضا كله عشان يرضو بنتهم ويفرحوها..عشان روان تلبس وتقرا عشان روان ماتحسش بالنقص ولا ينقص عليها شي اهتمو برضا بنتهم ونسوا ايربوها نسو يضبطو تصرفاتها نسوا ..ان بنتهم مراهقه وان يمكن اي شخص يضحك عليها بكلمتين كل من الاب والام نسوا دورهم الرئيسي في تربيه ولهو بس في جمع المال..ونسو ان في شياطين الانس الي شوفو في روان صيد ثمين بالنسبه لهم ..
....
روان قربت من امها الي كانت من الفجر نايضه تخيط ع ماكينه تحاول تنهي الطلبيه الي عندها..😣😣وكانت تاعبه وناعسه بس كل شي ع خاطر بنتها يهون..
روان وهي مبتسمه☺️☺️..صباح خير ماما..
ضحكت امه رغم تعب والارهاق😊😊..صباح نور ياحبيبت ماما..هي افطر قبل ماتمشي..
روان بدلال.🙄🙄☺️.ماما شن صار في فلوس ضروري نشري تلفون راه صحباتي كلهن عندهن ونبي نتوصل معاهن..
امها وهي تخيط😊..اليوم حبيبتي اتروحي وتطلعي مع بابا تشري يوم بتجيني فلوس طلبيه وتوا تشري بيهن تلفون..
اضبطت روان امها وباستها بفرح☺️☺️..
فطرت ع سريع وسمعت صوت بيابه السياره طلعت تجري وهي تضحك لليسوق كان شاب الي في سياره يحكي مع باتها الي كان يشكر فيه للمره الاف ع تعبه وشهامته ان يوصل بنتهم ويروحها من مدرسه.. ركبت روان في سياره وراء سواق وتقابلت نظراتهم..☺️☺️
