شياطين الانس للكاتبه اسيل بن ناصر ..مكتمله

حلقة67

شياطين الانس

اسيل بن ناصر
حلقة 67
...
لسْـنآ مـجبرين على تبرير آلمَـوآقِف لمـن يُسـيء آلظـن بنآ
مـن يعرفنآ جيدًآ يفهمُـنآ جيدًآ 👌💗
فآلعين تُڪذب نفسَـهآ إن أحبت
و آﻷذنْ تُصـدِق آلغير إن ڪرهت🖤
....

حسام بعصبيه..بتول كنك قالبه وجك توا مش طلعنا بروحنا ..

بتول ..جدك كنا هك قصدي كل ماايشوفني معاك ايذكرك بمراتك الاولي ..

حسام ..مش محتاج جدي ايذكرني بيها يابتول جدي قال هكي لانه عمري ماطلعت انا وياها ع مطعم حب ايذكرني بواجبي ..

بتول بتحكي رن تلفونها حطاته ع صايلنت وطنشت ..

حسام ..من الي اتصل ..

بتول ..اف سعاد اكيد بتسالني امتي بنجي ..

حسام ..وليش مارديتي عليها عادي كان بتمشي انشيلك بكره شن مشكله ..

بتول ..لا انا عروس بعد بنمشي زايره بنمشي قصدي مش نمشي هك وخلاص..

حسام..توا انتي امشي حمدي ع سلامه مرات خوك وبعدين تو تمشي زايره لحوش هلك راك بتمشي لحوش خوك مافيها شي..

لوت بتول وجه ومش عاجبها الكلام..

حسام خلي نطلب ونجيك..

بتول طنشت ومسكت تلفون وشافت مسج..لقته من عبدو..وينك كنك ماتردي..

بتول كتبتله مسج..مش في حوش انا توا طلعت مع حسام لمطعم....

شوي ورد عليها عبدو..وليش ماتردي ولاوحتي مسج مش لعبه نا يابتول..

تاففت وكتبتله..لقيتش وقت ماديرش مشكله عبدو..

وحطت تلفون ع صامت وقلبات الشاشه ع طاوله..

.....
سلوي كانت في شقه تقلب في تلفزيون سمعت صوت دق ع باب شقه استغربت بحتث للساعه كانت ١١ مستحيل حسام توا كيف طالع وبعدين هو عند مفتاح ..فتحت لقتها بسمه وهي تضحك وفي يديها صفره....كسدت قلت نجي نكسد عندك..درت فشار 🍿 وجبت شوكلاطات وحركات الي اتحبيهن شن رايك..انفضفضو

سلوي ضحكت..تونسيني مرحبتين بيك..جيتي في وقتك

بسمه خشت وشافت تلفزيون..شنو مكسده ع تلفزيون..امالا

سلوي.. بكل ملل ياسلوي.. اممم نرجا في جامعه اسبوع جاي انقانه كساد بكل..

بسمه..اشر منك مش غير ملل وبعدين تبي حق رقيلي من سجي وقعدتها عندنا..

سلوي..تبي حق انقانه سوسه سامحيني هك ماتريحتلها بكل..

بسمه وهي تاكل..ياحنه طلعت حاطه عيونها ع اكرم..

سلوي شهقت..اه شن تقولي انتي تحكي من جدك ولا تبصري..

بسمه..انعم من جد جدي ومتاكده اخري بس اسمعي مش نحكيلك تفضحي بيا ايوه..