شياطين الانس
حلقة 9
ضحك اكرم وهو يراقب في ساره الي بعد فطنتله.. ضحكت وقربت منه..
ساره.. مادامك كملت اتصالك تعال قطعلي تفاحه جت النيه فيها...
ضحك اكرم وقطعلها تفاحه الي كانت تبي اتقطعها..
مسكتها ساره وهي تضحك.. ان شاء الله خير صالحة حبيبتك.. ولا مازالت زاعله منك..
اكرم ضحك وكيف الي فرح بسؤالها.. كيف اتغاري انتي..
ضحكت ساره.. انا انغار انت كيف خويا عليش بنغار عليك..
واكرم كأن حد ضربه كف عقد حواجبه.. كيف خوك ..
ساره بهدوء.. كلكم خوتي هكي بابا قالي وممكن نكونو اصدقاء..
اكرم بنفعال.. بس مستحيل يكون في صداقه بين الشاب وبنت...
ساره.. ليش لا الصداقه اجمل من الحب..
اكرم وانتي حبيتي بيش تقولي هك..
ضحكت ساره.. لا اصلا فتره صعبه مرت عليا بعد طلاق ماما وبابا..
سكت اكرم وهو يفكر في كلامها..
ساره.. ممكن انروحو نحس في روحي ناعسه..
هز اكرم راسه ومشا هو وياها لعند الحوش..
مشت ساره جنب اكرم وهي مش منتبه لعيونه الي يراقبن فيها بضيق وهو يفكر في كلامها..
خشو للحوش ورقت ساره لجناح فوق اما اكرم قعد بره ايدخن ويفكر شن يدير.. وكلام ساره يردد في عقله وفكره ..
.....
في حوش محمد بات امل...
اسراء.. امي القهوة واتيه كان بتشيلها امل..
نفخت امل وهي تبرد في اظافرها بلا مبالات.. اف صوبه قصه شن يبي جاي هل بارد ..
ام امل.. سكري فمك كثر خيره الراجل جاك بعد الي درتي..اسمعي بلا طروح وردي لحوشك..
امل وهي حامقه.. ع جثي ولو بترموني في شارع وصبت وكرت صفره من اسراء..
مشت شور المربوعه وخشت وين ما كان منذر قاعد مع باتها كشخت وحطت القهوة ع طاوله جت بتطلع...
محمد.. امل اقعدي..
تافف وقعدت وهي تفنص في منذر..
محمد.. راجلك جاي بيصالحك بس عنده شروط..
امل بهزوه. وجاي يشرط اخري..
منذر..اسمع ياعمي .. كان عاجبها ووافقت علي شروطي .. باهي كان هذا انا معش تساعدني العيشه الي هك..
امل.. قول شروطك..
منذر.. اول شي اتقيمي حوشك امي مش ملزومه تفطرني وتغذيني.. حتي دبشي هي الي تبرم عليه نا متزوج ياعمي بيش مراتي هي الي تهتم بهل شي..
امل.. تبي خدامه يعني..
منذر تقلبش كلام هذين التزامات ادير فيهن اي مراءه متزوجه..
ونبي نكون عيله قصه انك ماتبيش تحملي شيليها من راسك..
تاففت امل بملل.. وكان ماوفقتش..
