شياطين الانس
اسيل بن ناصر
حلقة 49
.....
'
قيل #لِلسـعآدَة متى تأتين ؟
فقآلت : عِنـدمـآ تعلمُ ڪل #نفس
أنه لن يصـيبَهـآ إلآ مآ ڪتبَ آللـه لهـآ💫🎀💗
.....
خش محمد لحوشه وهو يخبط وبناته قدامه يرعشن ..
مرات محمد سالمه ..هاي انت كنك اتعيط ع بناتي واطي حسك ..
يقدم منها محمد بغل ويعطيها كف لعند اطيح وهي مصدومه وترعش محمد ماعمره مدي يدي عليها وما عمره رفضلها طلب ولا عمره كانت هك ردت فعله ليش توا. جت بتحكي بس حست بصوتها راح وبمحمد شدها بقوه من يدها وخششها للدار قعدت ترعش مع بعضها وهي تبحث فيه ..
...
محمد بقهر ..نا عشانك ياسالمه عاديت الكل عشانك ياسالمه عمري ماقلت لا نا عارف انك ازوجتني غصب وانك ماتقبلني بكل بس نا قلت مع عشره ممكن قلبك ايلين بس انتي حقدك وكرهك وغيرتك خلقن منك انسانه حقيره ونا احقر منك الي ساعدتك ..
سالمه صبت ورغم انها ترعش حاولت تحكي ..انت ليش تحكي هك يامحمد
محمد بعصبيه ..نا خلاص بعد موقف اليوم ماعاد عندي وجه انحط عيني في عين خويا انتي بدال ماتلهي في حياتك وتربي بناتك لا زرعتي حقد وغيره في قلوبهن كرهن اسيادهن كرهن الخير للغير ربيتهن ع انانيه ربيتهن ع كذب بس نا غلطان الي مخليك هك ..
سالمه وهي تفنص ..انت كنك منطلق عليا شن في
..
محمد وهو حامق ..انتي وبناتك شن ديره لعيت فرحات ..
سالمه وهي تضحك بحقد..تو كيف عرفت خوك مانك لاتحبه ولا طيقه مانك اتقولي باتي داير فرق بينا توا كيف تبي خوتك وضناهم ..
محمد ..ناكنت عمي نهار الي خذيتك نا نادم ع عمري الي ضاع معاك ونادم ع بناتي الي ضيعتيهن بحقدك اهو الكبيرة حتي هي بتطلق وسهام اطلقت مازالت احلام ..
سالمه ..امل ليش بيطلقها طيح سعده هو حفاه ع ماخذها هل كلب..
محمد ..وتسالي اخره بنتك كاذبه ع راجلها وزياده سحاره حققو معاه وطلعت دايره سحر انتي وياها لمنذر وهلي ..
سالمه وهي تعيط ..كذابين وحاسدين نا وبناتي وانت صدقتهم اصلا انَــَتَ بدال ماتجي تعلي صوتك عليا وتكسر وتخبط صبي مع بناتك وخوذ حقهن..
محمد بعصبيه ..اسمعي الحوش هض تطلعي منه بدون اذني راك محرمه عليا ايوه وبناتك حتي هن مفيش اطلوع الا لقبرهن ولا حوش رجالتهن ..
سالمه ..امل متزوجه و...
قاطعه محمد ..راجلها معش يبيها بيطلقها شدي حوشك وبناتك احسلك ياسالمه واذكري انتي ماعندك حد
سالمه وهي تعيط ..اتعاير فيا يامحمد لا حوش خويا مفتوح امتي مانبي نعديله
محمد وهو يضحك..خوك محمود الي ميجيب منك علم ولا انت تعلمي عليه شي متوقعه تمشيله حرجانه بيستقبلك انت بطبعك ولسانك مكره ناس فيك حتي هلك هاربين منك ونابذينك
