شياطين الانس للكاتبه اسيل بن ناصر ..مكتمله

حلقة30

شياطين الانس
للكاتبه اسيل بن ناصر
حلقه 30
إرتقـيِ بمستٓـوىٓ حديثـكٌ لآ مستـوىٓ صوتـكٌ ✋🏻
إنهٌ الٓمطـرٌ الٓـذيٌ ينمـيِ الأزهّـارٌ "وٓ ليسٌ الٓـرعدٌ ☺️👌🏻🌺..

عند سندس ومؤيد..
سندس.. حبيبي بنزور مرات وليد توا كلمتني امي قالتلي انها جابت بنيه بالعمليه.. وبنعدي انحمدلها ع سلامه...

مؤيد... به مبروك عقبالنا ان شاء الله...نجيبو هك عشره عيال كبدايه..

سندس.. لا وين مازال بدري مش من توا العيال.. وبعدين شن عشره كبدايه وسع بالك هم اتنين وليد وبنيه..

مؤيد..لا وحياتك ديري في بالك اني نبي عيال من توا ايوه نبيهم..نبي قبيله منك..ونبي بنات كلهن يشبهلك هك..

سندس وهي ضحك..غير شلني توا وبعدين ساهل توا نحكو في هل موضوع..

ضحك مؤيد..به هي خشي بدلي خلي نشيلك لانه بعدين مش فاضي..

خشت.سندس تبدل وقعد مؤيد يستني فيها..

بعد نص ساعه طلعو بعد قالتله سندس ع عنوان عياده...
درس مؤيد.. قتلك شوي ونجيك شي نص ساعه.. ساعه هك بين تلفون تمام..

سندس.. تبيش تنزل معايا.. تسلم ع وليد وتحمدله ع سلامة هلي..

مؤيد.. تو بعد نجي بنروح بيك تو ننزل كلمي عمتي بيش تعرفي دار وين.. هي قاعده معاها صح..

هزت سندس راسها بزعل.. اها معاها..

مسك مؤيد يدها.. حبيبي تزعليش مني بس انا نبيش ننزل نجنب في خوك وليد انتي عارفتيه كيف يعامل فيا توا بعد انروح بيك نخش انباركله ونروحو لعند ماينصلح الحال.. بينا..

هزت سندس راسها.. حبها مؤيد ع يدها.. يالا عاد اضحكي ونوعدك ح نصلح الوضع مع وليد..
سندس وهي مبتسمه تمام حبيبي حاضر..

مؤيد.. خلاص اتصلي توا بعمتي واعرفي مكان الدار..

وطلعت سندس تلفونها من شنطه ورنت كم مره ع امها بس ماردت عليها..

سندس.. اكيد مش قاعده جنب التلفون تو نسال في استقبال..

مؤيد تمام رد بالك ع روحك ساعه ونرد عليك بس قبلها عطيني منديل لو عندك..

حطت سندس تلفونها ع حاشيه قجر الباب وفتحت شنطتها وطلعت منها منديل مداته لمؤيد..

وسكرت شنطتها وطلعت مشت شور الاستقبال سالت ع غرفه جميلة ودلتها موظفه عليها..

مشت سندس بهدوء شور الدروج بترقا بس حست بيد كرتها من ذراعها انفجعت لما جت عينها ع هل شخص..

نفضت سندس يدها منه.. انت شن ادير باعد عني..

علي وهو متعقد وكرها شور دار التمريض الي كانت فاضيه..انا ماصدقت حصلت عليك..ان شاء الله غير متريحه مع ولد عمك..نا اديري فيا هك ياسندس اتبعيني ع سبه ولد عمك..