شياطين الانس
للكاتبه اسيل بن ناصر
حلقه 27
ايها البحر.. أنت تشبهني وأنا اشبهك
اشبهك في صمتك.. تشبهني في ثورتي
اشبهك في غموض اعماقك.. تشبهني في ضحكات وجهي
نتشابه في الصمت.. في اللاحدود للصبر
يريحني الجلوس قربك والنظر اليك
اشعر بأني اسكب كل مابداخلي فيذوب داخلك كملحك..
.....
خش حسام ع امه وهي كانت في مطبخ تحرق ومتعقده وترجا في حسام ع نار.. اما بسمه.. كانت في مربوعه اتنظف وتلعن حظها..
وصل حسام ودرس سيارتها وخش للفيلا..
قرب حسام من امه الي كانت عاطيه ظهرها..صباح الخير ياغاليه..
التفتت ام حسام بعصبيه..اي خير وانت واخذ وجك ماتقول عندي هل ولا عندي ام انا لعند امس يسال فيا اكرم عليك قتله يروح متاخر..مابيتش انقوله انك ماتبات في حوش بكل.
حسام بقله حيله..باهي ياامي كنت مضايق وطلعت شوي مع شباب..
خوله..اطلع ماقلنا شي بس فكني من البيات بره خوك ماعند غيرك ولا لك غيره اوقف معاه مش تاخذ وجك..
حسام..حاضر ياامي حتي طلوع معش نطلع غير انتي ماتزعلي روحك..
خوله..احسن هك خير اصلا الطلوع مالاش فايده.
حسام قبض بيده بقوة وهو يحاول يسيطر ع غضبه..
ناض حسام من مكانه.. حاضر ياامي ومشا بسرعه لداره بدون مايستني امه تحكي.. اول ماخش قعد يخبك في ساس بيده بغل لعند يده نزل منه دم وشوي شوي هدي... خذا نفس وشهيق وزفير وخش غسل يده من الدم..وطلع شاش من علبه الاسعافات لفها بيه..
شاف تلفون الي يرن.. ايوه..
البنت.. اهلين روحت للحوش..
حسام.. اهو في داري شوي وبنرقد.. تاعب..
البنت.. نوم العوافي حبيبي كنها امك..
حسام..شي انشغلت عليا هضا عليش هي ماتحبنش نبات بره الحوش هي سكنتلي بيش انروح..وتطمن عليا
...
بنت..باهي امتي بتحكي لهلك في موضوعنا..
قرن حسام حواجبه...اممم توا صعب اشويه..
البنت..كل مره تاجل ونا اكثر من هك معش نقدر نصبر..
حسام..تصدقي ان ماتوقعت ايلف الوقف وزمان ونتقابلو جا في بالي انك ازوجتي..بس لما شفتك في استراحه قلت سبحان الله ع صدفه من يقول انك انتي تكون اخت صاحب اكرم..ولا رفيقه..
ضحكت..اهو نصيب..اوك.حبيبي بنسكر..امي اتنادي فيا بس راه مازال ماكملنا كلامنا..
ضحك حسام..انحبك ياواعر..
وسكرت بتول وهي تضحك..
خشت عليها امها..وين ع ضحك ان شاء الله ديمه فرحانه..شن حال فرح وهلها..
بتول..كويسين حمد الله..
ام فرح..اسمعي سريب البيات بره هضا شيلي من راسك ايوه مره هذي جت ع راسي من خوتك مره جايه انتي عارفتهم..كيف عادل وكيف ايمن ماعندهمش مشكله يجو يخذوك حتي ع فجر..
