شياطين الانس
حلقة 19
اسيل بن ناصر
حين نَمر بالأماكن التي تحمل الكثير من الذكريَات ! ونقف أمام كل زاويه مسترجعين كل الاحَداث فالواقع نحَن لا نشتاق لتلك الاوقات فقط . . بل إننا نشتـاق لـ ( أنفسنا ) وكيف كنا حيْن ذاك نشتاق ان نعود لتلك التصَـرفات من جدَيـد ... 🌺🌺
...
...
تسارع الاحداث..
مرن اللايام والاسابيع ع ساره وهي تجنب في اكرم وعمتها اما بسمه ماحولتش انها اتقرب منها بس كانت اتخطط من تحت لتحت وتفكر بمكر شن ح دير في ساره خصوصا بعد عرفت انها وافقت اتقابل ايمن😏😏..
اكرم كانن 😔😔هل ايام بالنسبه له عذاب لانه ماكانش قادر ايقرب من ساره ايبررلها الموقف ولا هي .. ردت ع اتصالات ولا رسائله سكرت علي نهائي والشي هضا خلاه متعصب😤😤 ومتنرفز ومش عارف شن ايدير ماكانش طايق يقعد في استراحه كان يطلع من صبح ويروح في ليل..
خوله ماعرفتش كيف تصرف مع ساره موقفه كانت بايخ ساره كانت تحكي معاها بس للضروري وبشكل رسمي مش كيف قبل وهل شي كان علامه لخوله انها لو فتحت موضوع ح يكبر فااكتفت بالسكوت وهي في كل يوم تدعي ان ساره تلين وترد زي قبل..😔😔
....
ساره بعد الحاح منها😒😒..ردت للحوش مع باتها وبنات عمر الي قعد في استراحه مع حسام ومروان..
فرح سندس ومؤيد تحدد وكانوا مخططين ان قراية الفاتحه قبل الفرح بيوم سندس😭😭 كانت خايفه ومرتبكه ع عكس مؤيد الي كان باين عليه ان عادي جدا😒😒 ومتقبل الموضوع ع عكس اول مره..
منذر حاول مع امل اكثر من مره 😓😓وبدون علم هلي بس هي في كله مره كانت اتصد فيه لعند ماحطاته في حظر وسمعت ان يبي يزوج كان مش فارق عندها وكل تفكيرها كان في طلاق😏😏 وانها اتعيش حياتها وكان باتها وامها ساعين لهل شي بس منذر مسكر راسه..😒😒
ام منذر تعبت وهي تلف ودور ع بنت الحلال لمنذر بس الاغلبيه كانو يرفضو😓😓 لان منذر كان متزوج والي كانت توافق كانت تشرط ايطلق مراته فا ضيق الوقت خلي ام منذر تفقد الامل وتحاول تكلم وتسال عربها وتشرط عليهم من بدايه بدال ماتتعب وتمشي لاي حد..😓😓
..
لحد ماجاء اليوم الي كانت تهدرز فيه ام منذر مع صاحبتها وجارة هلها في تلفون تحكيلها وتشكيلها ع ولدها منذر وعلي ان فرح قرب وهم عروس مازال مالقوله..😓😓
صاحبه ام منذر..فتحيه.☺️☺️.اسمعي نا عندي لك بنت ان شاء الله تهني منذر وتفرح قلبه..
ام منذر بلهفه 😲😲وفرح..ومن هل بنت تعرفيها وتعرفي هلها..يعني ايوفقو ع منذر..
فتحيه.☺️☺️.هي بنت خويا..البنت امها متوفي ومن هي صغيره ونا الي مربيتها ع ايديا.. بس الفتره الاخيره خويا.. مراته كل مره تجيبلها عرب تبي ازوجها وخلاص ونا الي وقفتلها ومش عارف لعند امتي لان خوي بدا يقتنع بكلامها وبنت والله اطيب منها مافي..
