شياطين الانس
للكاتبه اسيل بن ناصر
حلقة 48
....
#وإن لم يأتيَك ما #أردت 🤍🥀
🌸 #سيَأتيك ما قد #يُنسيك كل ما طلبت .!🤎🌳
......
سلوي كان صوتها مخنوق وتبي اتعيط مش قادره هو كان اقوي منها كانت نظرته اتخوف كان شخص تاني ..
وفجاءه دفها بعيد عنه وحط ايدي بشكل عصبي ع راسه ..بحث فيها وهو ايعيط ..سلوي معش اتعصبيني سلوي راه نقتلك ..
رغم الالم زحفت سلوي شور الصالون وضمت رجليها ع صدره وهي تبكي وترعش مع بعضها ..مشا حسام شور دار النوم وفتح القجر الي جنب راسه وطلع منه شريط حبوب خذا منه حبتين وزمطهم وقعد ع سرير وهو يحاول ايهدي روحه ...كان يحاول ايهدي روحه وهو يرعش كله مع بعضها ..
سلوي وهي تبكي ..كانت تحس باالم في راسها رقبتها ظهرها هضا كان وحش مش حسام الي حبيته قصدي نقاش بسيط مايخلي ايدير هك بس نا غالطه وصفته ان مش راجل بس هو هو بيقتلني ..
وقعدت تبكي وترعش مع بعضها وهي مش مصدقه ان هضا حسام الي حباته والي سنين تمنت اتكمل عمرها معاه ..
.....
ساره واكرم روحو وهما يضحكو ومبسوطين ساره كان باين ع وجه الراحه والهناء ع عكس الشهر الي فات خشت للصاله لقت عمتها وبسمه ..
ساره واكرم ..سلام عليكم ..
بسمه وخوله ..عليكم السلام خير ياعيوني شن حالكم ..
اكرم ..حمد الله ياامي عال العال املا وين جدي ..وخالي ..
خوله ..مروحين في طريق شنو كنتم طالعين ..
اكرم وهو يقعد وتقعد جنبه ساره ..اها..
خوله ..ربي يهنيكم يارب ..
اكرم بحث في بسمه ...شنو بسوم مافيش اقهيوة من ايديتك السماح ..
ضحكت بسمه واحلي قهوة وبسبوسه لاحلي عرسان ..
وناضت مبتسمه وخشت مطبخه ..
ساره عرفت ان اكرم يوزع فيها بيحكي لامه ع عريس ..
اكرم ..امي في عريس جاي لبسمه وتقريبا تعرفي وكويس راه وماشاء الله عليه ..
خوله ..ومن هل عريس الي عجبك وخذا عقلك بيش تشكر فيه ..
اكرم ..عبد الرؤوف ..
خوله ..قصدك مازال مازوج ..
اكرم ..لا مازال مكمله سفريات وشغل وتوا قرار يستقر ويزوج بس هو بيقعد تمان اسنين بره ع ما اينظم اموره وايرد للبلاد ..
خوله ونا عاد بنتي بتقعد تمان اسنين مخطوبه يعني عليش نربطها بيه كل هل تمان اسنين ..
بحث اكرم في ساره بمعني امي حي كان تعلم انها بتسافر معاه وكمل ..ماهو ياامي هو يبي يقرا فاتحه ويشيلها معاه ..
خوله وهي منفجعه ..كيف قصدك بنتي بتغيب عليا تمان اسنين شن تحكي انت يااكرم نقدرش بنتي تغيب عليا تمان اسنين هذي وحيدتي ..
