حلقة 12
شياطين الانس
للكاتبه اسيل بن ناصر..
الحسد يضيع الفرحة ، ويضيع الصحة ، يضيع راحة البال ، اللهم اڪفينا شر ڪل حاسد 💛.🖐🏻
.....
ساره بعد هدرزتها مع عمتها ملت وطلعت بره قعدت تحت نافوره وهي اتافف تستني في باتها بتقوله ردني للاستراحه جو المشاحنات الي صاير في عيله ماهمهش وهي مش هامها عيله في شي..
حست بحد وراها ابتسمت لانها عارفته اكرم...😊😊..واخير جيت بالله عليك شوف بابا بنرد للاستراحه..
والتفتت تشوف فيه يوسف وكيف ضحك وهو يبحث فيها ويفصل فيها بوقاحه..
ساره بحتث فيه بستغراب في بداية ماجمعتش من بعدين اذكرت ان يوسف خوه سهام وسلوي..وطبعا ساره من طريقه معاملته لخواته معتبرته شخص متخلف لانه بكل بساطه حرم خواته من ابسط الامور..ومخليهن طول الوقت ع اعصابهن ..
يوسف..خير ساره شن حالك..
ساره بهدوء..حمد الله كويسه وطنشاته تبي تمشي بس يوسف وقف قدامها
يوسف..قالك عمي..
ساره بستغراب..ع شنو بيقولي انا من جيتي ماشفته وندور فيه هو وينه..
يوسف..اكيد عدا مع جدي بعد مازارو مستشفي..مهم شن حالك...
ساره رفعت حاجبها بقله صبر..ماهو قتلك كويسه كنك انت..شن في
يوسف وهو يضحك..يانا علي كنك متنرفزه..
ساره وهي تحاول تمشي وتنفخ..اف محد يقدر يتريح في هل حوش..
وبتلف تمشي حست يد يوسف كرتها..ارجي بنحكي معاك ماصدقت حصلتك..
كرت ساره يدها بعصبيه..مافيش بينا كلام وبعدين معش تمد يدك عليا فاهم..
حك يوسف راسه وهو يضحك..كانه لاقي متعه في تهزيب ساره له..به غير اهدي بس..
ساره وهي تلف عليه وتحط ايديها في نصها..انعم شن تبي..
يوسف وهو يبحث في عيونها..انا كلمت عمي عليك وقالي بيسالك قبل..
ساره بستغراب..كيف كلمته عليا زيد وضحلي..
...
يوسف بتقه..خطبتك منه وقال بيشاورك..
وقبل مايكمل ضحكت ساره بصوت😂😂..شن حسك قلت خطبتني..
يوسف عارفها هازيا بس ماعدلش..وكنك هازيا ولا مش متوقعه حد كيفي يخطبك..
ساره وهي تضحك..ايوه الله بصراحه فرق كبير بيني وبينك في كل شي غريبه يعني ايجي في بالك انك تخطبني..
يوسف وهو يضحك..وليش لا شن مشكله..
ساره وهي ضامه ايديها ع صدرها..والله شوف اول شي انت افكارك مختلفه كل الاختلاف عن افكاري انت حارم خواتك ابسط حقوقهن الدراسه وشغل ولبس وكل شي يعني حتي نا نفس شي..
