شياطين الانس للكاتبه اسيل بن ناصر ..مكتمله

حلقة75

شياطين الانس
اسيل بن ناصر
حلقه75

.....
دع سرك بين اثنين: نفسك وربك
واحرص في الدنيا على رضى اثنين: أمك واباك
واستعن بالشدائد باثنتين: الصبر والصلاة
ولا تخف من اثنين: الرزق والموت لأنهما بيد الرحمن
واثنتان لاتذكرهما أبداً: إحسانك للناس وإساءة الآخرين إليك
واثنتان لاتنسهما أبداً: الله والدار الآخرة : 🧡...
....
اسراء مدت القهوة لباتها وردت قعدت مع امها في صاله وهي ماتجيب علم من الي صاير في مربوعه..

اسراء كانت تشرب في قهوة وعينها ع امه الي كانت تاعبه ومن موت امل متغيره كلامها قل وطول وقت سارحه  ..

اسراء مبتسمه.. شنو ياماما شن تحكيلي..

سالمه وهي منزله عيونه.. ماعندي مانحكي يابنتي بس فراس ماني عارفه شن يبي من باتك هل وقت..

اسراء.. بالك جاي بيهدرز عليه ولا يسال ع حالكم..

سالمه وهي ماسكه دمعتها.. فيه الخير كان مهني اختك ومريحها صحيح كانت معاه شهور بس كانت طول الوقت تشكر فيه..

اسراء وهي تواسي في امها.. هضا عمرها ياماما وبارك الله فيه فراس الي يسال عليكم من بعد موتت امل..

هزت سالمه راسها وسكتت وهي تخمم ع بنتها وع كانت ادير فيه هي امل اتفكر في طريق الي مشت فيها بنتها طريق سحر وكذب تذكر الحقد والكره الي زرعاته في قلبه ع بنت عمرها وكانت كل هل حاجات يوجعلها في قلبها حست بحمل تقيل ع قلبها وان ذنب امل في رقبتها ليوم الدين..

وشافت عيونها بنتها اسراء الي كانت هي سبب خراب حوشها وكيف بنتها تعبت واضايقت ع فراقها لزوجها وع كلام الي انقال عليها بس رغم هك صبرت ووكلت امره لله..

قطع تفكيرها خشت محمد عليهن..

سالمه بحث فيه.. شنو رواح فراس..

هز محمد راسه وقعد جنبها وكان باين في كلام ع ملامح وجه..

اسراء انشغلت.. كنك ياباتي في شي كنا راجل امل..

رفع محمد راسه وبحث في بنته زين ع كلمتها.. راجل امل.. وفي عقله كيف بيقنع بنته..

سالمه سالته.. كنك يامحمد شن في..

صبا محمد من جنبهن ومشا للدار..

سالمه ناضت ولحقاته واسراء صبت شاله صفره قهوة الي في صاله ومشت للمربوعه شالت الصفره ونظمتها..

...

سالمه قعدت جنب محمد الي كان ساكت..

سالمه منشغله.. كنك يامحمد شن في فراس كنا شن يبي ان شاء الله خير..

محمد رد عليها.. فراس جاني بيناسبني في اسراء ونا عطيته..

سالمه صبت من مكانه وهي تبحث فيه بستغراب.. شن حسك قلت.. شن يبي فراس..