شياطين الانس للكاتبه اسيل بن ناصر ..مكتمله

حلقة82

شياطين الانس
اسيل بن ناصر
حلقة 82

....
‏“سوف يأتي يومٌ تدرك فِيه أن طـيّ صفحة هو أفضلُ شعورٍ في العالم, لأنّـك سوف تدرك أن هناك بالكِتاب ماهو أكثر بكثيرٍ من تلك الصَّفحة الَّـتي كنت عالقاً بها.”

- جبران خليل جبران

....
اسراء طلعت من حمام بعد الدش مبتسمه وهي تمسح في شعرها ولابسه الديشمبر.. شنو فراس بتشيلني لهلي لقيت احلام متصله واكيد تستني فيا..

فراس صبا من مكانه.. من عيوني انشيلك بس بيات لا ايوه ديري في بالك توا اندوش ع سريع ع ما بدلتي وجهزتي روحك..
اسراء برضا وهي مبتسمه وعاجبها تمسكه بيه.. امم تمام..

مشت للدولاب طلعت من لبسه وجففت شعرها واستشوراته ع سريع وبدت تمكيج بعد نص ساعه كانت جاهزه ع طلعت فراس من حمام وهو لاف المنشف ع نصه وميه اتقطر من شعره شافه وهي لابسه عض ع فمه.. اممم شكلي بنغير راي ونقولك مافيش مشي..

اسراء وهي تضحك.. لا عاد انت وعدتني فراس خليني نمشي وبعد انروح ساهل..

ضحك ومشا للدولاب ايطلع في دبشه وهي لقطت عبايتها وطلعت تلبس ع مدخل..

جفف فراس شعره وكمل لبس وطلع وهو يلبس في ساعته.. خلاص بينا الو انحطك وماشي مكسد مع شباب بعد اتكملي رني عليا..

اسراء.. تمام.

ونزلت هي وياها للسياره ركب وهي جنبه بس شعورها مره هذي مختلف راحه شعور بالامان عكس اول مره المسافه الي كانت بينهم انتهت وكان ربك اذن ان ايالف قلوبهم..

فراس مسك يدها..شنو امور تمام..

اسراء ابتسمت..تمام..

وطلع بالسياره ووصلها حوش هلها وعيونه ايرقبن فيها لعند خشت اما هو طلع بسياره وكان حاس بشعور حلو كان فاقده من زمان راحه مش عاديه وتمني ان ربي ايدم عليه هل نعمه..

....
اسراء وهي تضبط في امه وتسلم..رايفت عليك ياماما شن حالك وشن دايره..

سالمه وهي تبكي..انا كويسه انتي شن حالك وشن حال فراس..

اسراء..حمد الله شن حال بابا..

سالمه..حمد الله كويس لما قالتلي احلام انك جايه ماصدقتها قلت ماضني تجي توا مازلتي عروس..

خشت احلام تضحك..سوسو واخير تواضعتي وجيتي شن حالك وسلمت عليها..

اسراء مبتسمه..ليا اسبوع بس غايبه رايفتي عليا امالا.

احلام..مش غير وكسدت..

اسراء مبتسمه..هانت كم شهر وتبدا جامعه..

احلام..ماهو هضا الي مصبرني..

سالمه صبي ديري لااختك قهوة سلم بنيتي..
و صبت احلام وعيون سالمه اتبع فيها وهي في خاطرها كلام بتقوله لااسراء الي استغربت امها..