شياطين الانس
اسيل بن ناصر
حلقه 74
.....
#لاأحد_يتغيّرُ_فجأةً ..
#ڪلّ ما في الأمر أنّنا في لحظــۃٍ ما نغلقُ عينَ القلب ، ونفتحُ عينَ العقل ؛ #فنرى بعقولنا حقائقَ لم نڪُن نراها بقلوبنا ..!💛🍂....
......
اسراء كانت في خيمه ودموعها ع خذها وكل ما تشوف العياط قدامها اتاكد ان الي صاير صح ومش خيال يعني امل ماتت.. خلاص معش بتشوفها معش بتعارك معاها معش بتسمع تمللها وكلامها..
قبضت اسراء ع يدها بغل.. وهي تذكر اخر زياره لاامل لهم..
...
نرجو شوي لقبل موت امل...
اسراء كانت ع سرير اتقلب في روايه في نت خشت امل مبتسمه..
امل.. شن اديري وقعدت جنبها ع سرير..
اسراء.. نقرا في روايه حلوه ع نت هك شدتني قصتها..
امل وهي تضحك.. يعني مازلتي زي ماانتي..
اسراء مبتسمه.. ولا يوم ح نتغير.. شنو قالتلك امي ع عريس وجايا تقنعيني..
امل هزت راسها.. هي من حيث قالتلي قالتلي بس انا مش جايا بنقنعك.. انا جايا بنعطيك راي.
...
اسراء حولت تلفون من يدها..كملت امل..نبيك ماتغلطي غلطتي وتحطي روحك في دومه انتي في غني عنها انا امي دمرتني هي تشوف ان الي ادير فيه من مصلحتنا بس الغلط غلط وصح.صح يااسراء ممكن لاني انا وامي جبرناك تشيلي سحر عشان تحطي لعادل وزينالك ان هك ح تكون حياتك افضل..
اسراء بضيق..شن خطر عليك موضوع ياامل هو شي وصار كلها نصيب..
امل..عارفه والله مافي بالي انوجعك زي كل مره بس يااسراء ممكن هل شي ربي ابتلاك بيه عشان يبعده عنه..اسراء ماتمشيش لطريق الي مشيت فيها طريقي كلها غلط في غلط من زواجي بمنذر لعند فراس انا ظلمت اشخاص واجد يااسراء وضريت واجد..
اسراء وهي تمسك يد امل..ربي غفور رحيم ياامل..
امل نزلت راسها وهي ماسكه ادموعها..انا درت ذنب كبير يااسراء ذنب نادمه اني درته لهل لحظه ومشعاارفه وين كان عقلي لما درته..
اسراء بستغراب..غير سحر شن في..
امل رفعت وجه وهي ترعش وتبكي..
اسراء وعيونها ع اخته الي اول مره تشوفها بهل شكل امل ااي ديمه تصنع قوه ولا مبالاه امل الي اتصنع البرود كان قدام اختها في اضعف حالاتها..
اسراء مدتلها الميه..اشربي واهدي بس..
امل شربت وهي ترعش وتبكي واخته مستغرابه الي صاير...
امل بتوتر وهي شابكه ايديها في بعضهن..نا نا قتلت يااسراء..
اسراء فنصت عيونها وهي مش مصدقه اختها ولا كلامها..
