شياطين الانس للكاتبه اسيل بن ناصر ..مكتمله

حلقة63

شياطين الانس
اسيل بن ناصر
حلقة 63
....
‏إن شعرت بأنك تخسر كل شيء😓🥀
تذكر أن الأشجار تخسر أوراقها كل عام👌🍁
وتظل واقفة منتصبة وتنتظر مجيء أيام أفضل🕊🎀
....

بتول خشت لدار وهي تبكي وتخبط ارتمت ع سرير وهي مقهوره منه ومن تصرفه .

طلع حسام من حمام وهو يمسح في شعره وبحث فيها وجعاته كل الي صار معاها ليله صعب بعدين ياحسام مش عارف انت طبعها وهك تحب ..

لبس وجا قرب منها ..بتول خلاص ابكاء توا هذي ليله عمرنا ليش نبدوها هك ..

بتول وهي تبكي ..انت منكد عليا من قاعه وتوا في فندق قصدي ياحسام كل شي نطلبه من حقي وبسيط ..

حسام تنهد كملت ..انا ع خاطرك عاند خوتي هك جزاتي .

حسام ..بتول القاعه الغلط منك يعني كنتي بتمشي كلمتك عليا انت وامك موضوع مفروغ منه وفندق غيرت راي لانه لو بنخليك انت اسبوع بنخلي سلوي حتي هي يابتول ..

بتول بعصبيه..شن دخل سلوي  في  نص توا

حسام ..انتي مش عارفه شن شروط جدي هي كيفك كيفها يعني لازم نعدل بينكم ..

بتول ..اف حسام شن هل كلام توا انت تقارن بيني وبينها ...

حسام بملل بتول ممكن ناجلو كلام هضا يوم تاني ..
بتول بملل ..اف يا...

قاطعها وهو مبتسم ..بس الحنه مش مفهومه بكل سمحه عليك ..

ضحكت بتول ..صح امم هضا اختياري..

حسام قرب منه وهو يضحك ..وراحو في خبر كان ...

....
روحت ام عادل من قاعه وهي مش عاجبها حركه حسام كانت تخبط وتهزب وبنتها اتهدي فيها ..

سعاد ..خلاص ياماما ربي ايهنيها ..

ام عادل..نا ايدير في هك قدام امه ايصغرني قدام ناس ..

سعاد ..ماما موضوع مش محتاج راه عادي قولي غير رايه في اخر لحظه شن مشكله ..

خش عادل وهو بكشخ ويخبط ..

ام عادل ..كنك شن الي صاير ..

عادل ..هك مش عجبتني زواج بنتك ..

ام عادل ..وكنا رقيلك اهو نصيبها وجا ..

عادل ..مالقت الا واحد متزوج ياامي من قله رجاله خالي سمعني كلام ع حسام لعند ماقدرت انرد ..

ام عادل ..وتعدل عليه مانك عارفه خالك وعارف كلامه وين ايمن ..روح..

عادل ..لا مازال ماشفتش سيارته ..

ام عادل ..غريب ماهو طلعنا مع بعضنا كلمه وشوفه..

عادل رفع تلفون واتصل ..رن مره واتنين في ثالثه رد ..

ايمن ..ايوه عادل ..
عادل وهو يسمع في هرجه ..ايمن منشغله عليك امي وين قاعد ..

ايمن .. في مستشفي سهام تعبت مني في طريق مشيت بيها للمستشفي ..