شياطين الانس
اسيل بن ناصر
حلقة 57
....
هنيئاً لمن صبر على قضاء الله فأرضاه الله بجميل قدره ❤️
.....
مؤيد سال الدكتوره مره تانيه بخوف ..طمنيني ع زوجتي وطفل شن وضعها ..
الدكتوره بهدوء ..بالنسبه للطفل وضعه كويس وحمد الله ..صحته ممتازه ..
اما زوجتك في عنايه بصعوبه وقفنا النزيف ولوله لطف ربي راه ماقدرنا ننقذوه ولا قدرنا نوقفو نزيف بس حمد الله قدرنا نوقفو وهي توا تحت الاجهزه ادعي ربك انها تنوض طيبه ..
مؤيد بس دكتوره نا سيبتها بحاله ممتازه يعني شن سبب نزيف ..
دكتوره تفضل معايا ع مكتب لاني شاكه في شي وتحليل الدم ح يتبث هل شي ..
مؤيد كان يرعش مرتبك ويحاول ايقوي روحه ايحاول يتماسك ايحاول اجمع افكاره قرب منه مؤيد ومنذر ..
منذر ..امسك روحك وعدي شوف دكتوره وافهم منها الي صار نحن توا انطمنو باتي وعمي قاعدين بره يستنو ..
لحق مؤيد دكتوره الي كانت تقرا في تحليل باهتمام ..
بعدت التحليل من قدامها ..كيف ماتوقعت التحليل اكد ان زوجتك تناولت كميه كبيره من حبوب الاجهاض ..وهل شي غريب في حالتها ..
مؤيد فنص .هل شي مستحيل زوجتي كانت تعد في ايام والشهور بيش اتجيب كانت فرحانه بالحمل ليش تبي تجهض ..
الدكتوره بهدوء ..يااستاذ افهم عليا زوجتك تقعد غبيه لو خذت الحبوب وهي في شهرها هن مسموح للحامل تاخذهن في اول شهور الحمل وحبه وحده بس لانه زياده في جرعه تسبب نزيف شديد وانفجار في رحم بس حمد الله زوجتك لحقنا عليها لو كنت تاخرت في اسعاف كنا فقدنا البيبي وكانت هي الله اعلم اما تموت او شلنا رحم بس كيف ماقتلك ربي لطف بيها ..
مؤيد ..يعني انتي قصدك ان في حد اعطاها حبوب ..
الدكتوره ..من الي شافته عيني وكميه مستحيل تكون وحده بعقلها تاخذ هل جرعه فشئ اكيد ان حد يبي يقتل زوجتك والجنين الكميه هذي كفيله ان تقتلها ..
مؤيد ..دكتوره نبي تقرير بالكلام هضا وتحليل معاها ..
الدكتوره اكيد وياريت اتشوف اخر شي كلاته زوجتك ممكن هل شي ايفيدك تعرف من الي حطلها حبوب ..
مؤيد ..ان شاء الله بس دكتوره انا نبي هل كلام ايكون بينا يعني الي يستفسر ع حاله زوجتي قولي انه والدتها كانت متعسر ..
هزت دكتوره راسها بهدوء ..اكيد مش ح نحكي بهل كلام لحد
مؤيد بعد صبه ممكن نشوفها ونشوف ولدي ..
الدكتوره اكيد تفضل معا الممرضه ونادت عليها ..
اول شي شلاته الممرضه للحاضنه وشاف ولده الي كان راقد ودمعن عيونه وهو يذكر في كلام سندس ..مؤيد امتي نشوف اممم يارب يكون شبهك هك حلو وحانط ..
