شياطين الإنس
اسيل بن ناصر
حلقه 53
....
العين تهدم بيوت ، و تكسر خواطر ،
وتفسد علاقات ، وتضيع أحلام..
فَـاللهم اكفنا جميعاً شر العيون الحاقده..🤲🥺
.......
طلعت مريم من الحمام ولقت امل تستني فيها ..
امل بهزوه ..تعرفي توقعت عندك كرامه وتاخذي وقت قبل ما تردي بس باين انك ماصدقتي ولا منذر ضحك عليك بكلمتين ..
مريم بهدوء..وليش مايكون ردلي بعد عرفك علي حقيقتك وانكشفن اوراقك وان حتي قصه الاجهاض طلعت فيلم وحمد الله ربي كشفك
امل ..مش قتلك مضحكه ت هو ردك ع سبا الحمل راه يبي الي في بطنك مش ع سواد عيونك يعني لو انا نفس الشي كان ردني ودورني
مريم ..مهم نا توا مرات وع ذمته وانت بالنسبه له ماضي
ضحكت امل بطريقه مستفزه ..عمري ماكنت ماضي في حياة منذر ودليل ردني بعد زواجكم بفتره قصير نصيحه ماتحطي فيه التقه احتمال ياخذ منك البيبي ويطلقك هو عرض عليا هل شي اني نا انربي ولده بعد ياخذه منك بس انا رفضت وقلت حرام بس شكلي بنغير راي ..
ومشت وخلت مريم في مكانها دمها محروق هي مش مصدقه كلامه بس جزء من الي قلاته صح وخشش الشك في قلبها ناحيه منذر
....
جو عرب بسمه وجيبين معاهم سبتات ومش مخلين ماجايبين وكانت فرحتهم ببسمه باينه في عيون ام عبد رؤوف انها بطير بسمه وكان كل شي جايبين حلو وراقي ..قدمو الضيافه للعرب وام عبد الروؤف لبستها الطاقم وبلغتها ان عبد الرؤوف يبي ايلبسها الدبله بعد يطلعو وان واخذ الاذن من هلها ...
العرب خذو ضيافتهم وطلعو ومع طلعتهم طلعت امل بعد لبست عبايتها وهي تقنص ع منذر الي كان واقف مع مؤيد بعيد ويدخن وقفت عليهم بجراء ..منذر لحظه نبيك ..
منذر بعصبيه ..خشي جو انتي شن طلعك وبعدين مافيش كلام بيني وبينك ..
امل ..مش متحركه لعند تحكي معاي سو تبي او لا ..
جابيحكي بس مؤيد رد ..شوفه شن تبي وانهي هل قصه ..
منذر كرها بغل من ذراعها ومشا بيها شور سور حوش عمران تحديدا جنب باب مطبخ الخارجي ..
منذر بعصبيه ..شن تبي ياامل
امل وهي تبحث فيه كيف متعصب .. ابتسمت بخبث وقربت تلمس في لحيته ..حبيبي اهدي وكل شي يتصلح نا عارفه كويس انك مخدوع ونا عاذرتك عارفه ان عمي جبرك اتردها واطلقني ونا راضيه لانه عارفه انها حامل وانت تبي عيال و..
دفها ..تباعدي ومعش تقربي مني انت مش ع ذمتي عشان اديري هك ساد ماجاني منك ياامل انا طلقتك وبارادتي ومانبي منك شي شوفي نصيبك ونا حمد الله متريح مع مريم و
