شياطين الانس
الحلقة 10
للكاتبة اسيل بن ناصر
...
لا يهمني أن أكون انسانه كامله
يكفيني أن أكون انسانه صادقه لا تنافق ولا تخون
ولا تجامل ولا تعرف الناس وقت الحاجه
.
.
.
.
.....
في حوش العيله مرت ليله سوداء ع مؤيد وسندس.. مؤيد راقد في مستشفي عند كسر في يده اليمين وخلع في كتفه.. ووجه متنفخ من ضرب.. ومن وقت جابوه وهو راقد من مسكنات ومش عالم بالي بيصير... وكان معاه باته وخوه منذر الي كانو حاطين اللوم كله ع مؤيد وان هو المسؤول عن الي صار حتي لو سندس هي الي كلاماته..
...
عند سندس مرت عليها ليله سوداء وهي تفكر في مصيبه الي حلت عليها هي شن بدير توا حتي كان يبوها تزوج مؤيد ح ينكشف سرها ومؤيد ح يفضح بيها خصوصا لو غصبوه ع زواج.. منها فكرت واجد انها تهرب فكرت انها تتكلم وتحكي ع صار معاها بس خافت خافت من ردت فعل باتها وخوها الي كان ناقم عليها وكان يلقا بيتخلص منها اليوم قبل بكره كان يشوف فيها عار بالنسبه له..
....
روح يوسف وباته للحوش وكانت سهام وسلوي وامهن في صاله..
ام يوسف..شن صاير كنا مؤيد ووليد...
يوسف وهو يفنص..اخته السايبه لقاها مع مؤيد في اخر ليل...
شهقت امه وخواته..وبحث يوسف في خواته بلوم..هضا ليش نا خانق بناتك عشان هل شي البنات هك لما تطلقهن براحتهن هك ايديرن..
ام يوسف..شن هل كلام يايوسف نا بناتي مربيتهن ويعرفن الصح من غلط راه سندس غير هلها مدلعينها وبعدين مؤيد خطيبها وولد عمها هو صاح غلط ملاقاتهم في نص الليل بس ماتوصل ان وليد يدير هك..
كشخ يوسف وكلام مش عاجبه ومشا لداره..
اما سلوي وسهام انسحبن لدارهن..
سلوي..حي عليها سندس انضر شن يديرو فيها..
سهام ضحكت..شن بيديرو يعني بيزوجوها مؤيد هضا اقل احتمال نقطع يدي انكان ماسندس هي لمخططه لهكي..
سلوي..شهقت..زعمك لا ماضني قصدي مش لهل درجه ادير في روحه هك وتفضح روحها..
سهام وهي تضحك..لا وحياتك الا اديرها واكثر تحسابي سندس هينه..تهذي خبيثه وماتخاف بكل ..ابكي ع روحك ..
سلوي..يانا علي مااقوي قلبها يانا عليا وشفتي يوسف كيف يفنص فينا..اتقول نحن الي ماسكينا مع رجاله ..
سهام وهي تلعب بشعرها فكيني منه هل مريض انعن داء ربي يريحنا منه ونزوجو..ت هضا مطلع كل عقده النفسيه فينا ..
سلوي بقله حيله..كيف نزوجو وهو حتي لبس وطلوع كيف البنات مانعنا بالله عليك الناس كيف بتشوفنا..
سهام..اف والله عاد اهو ربي رزقنا بهل حصله انا ع نفسي بنحاول...
سلوي وهي خايفه..ياناعلي ياسهام مش خايفه يلقطك..شي يوم مع هل تلفون ..
