#الشرف#
⚪ دماء شرفي⚪
Soukaina soulaika
البارت 1
باب الدار محلول الداخل كثر من الخارج صوت الدراري الصغار مسموع همسات النساء لي مكيخلوش من الفضول في اي مجمع ضروري من النميمة كلشي حاضر بتكاشطهم كاين لي فرحان وكين لي مستغرب من زواج بنت سي مصطفى .... كلشي عرفها مزال صغيرة على الزواج .... وكين لي جاي غير على قبل التبرگيگ لاغير .
في هذ المجمع زوج ديال النسا الحاضرات حاطين الراس على الراس يديو ويجيبو في الخبيرات بيناتهم لي تريح فضولهم .
_فراسك اختي انا راه باقي لدابا ما متيقة بلي بنت سعاد غدي تتزوج
_ايوا غير تيقي راكي بارزة في عرسها
_ولاهيلا شكون قال غدي تتزوج
_المكتاب اختي .. اجي بعدا شحال عندها سمعت عليها مفششة وگاعما مسوقة ضل مقابلة الخروج و الدوران ولي دارتها وفين ما مشات تصور و تلوح حتى هي في ذاك انستغرام هدشي لي قالت لي بنتي
_ولكن بيني و بينك الى هذ الزواج فيه خير ليها حسن ما تبقى كل مرة تلاوح عند واحد ها هي عند مها ها هي عند باها واخا مفششينها و لي بغاتها تلقاها ودير ما بغات وتلبس لي حبات و لكن جمعة الواليدين و شوفتهم تحت سقف واحد و مفاهمين خير الف مرة من فلوس الدنيا
_ويه عندك الحق حسن نيت تتزوج و تستر راسها و تستاقر في حياتها.... اجي بعدا شكون هو العريس
_ايوا اش غدي نقول ليك اختي سمعت قالو والله وعلم بلي شي حد كانت معاه كتعرفو راه واليديها گاعما بغاوها تتزوج قالو بغينها تقرا كيشتي هذ العام كملات 18 عام وشدات الباك ديالها
_ايوا الى كان ولد ناس فراه غدي يخليها تكمل قرايتها راه قراية حيت قرات نيت مع بنتي كانت تبارك الله تجي هي لولة على ما كانت تعاود ليا بنتي نيت
_ايوا الله يسر ليها و لبنياتنا ..... صافي سكتي اختي ها خالتها دايزة من حداك يقولو غير كنهضرو عليهم...
#الشرف#
⚪دماء شرفي⚪
Soukaina soulaika
البارت 2
داخل بيت العروسة جالسة امام مرايتها مسلمة راسها لكوافورة لي كتحط اخر اللمسات باش تنزل توقع عقد قرانها مع الشخص لي بغات و حاربات على قبلو و عصات كلام وليديها تحداتهم و بالضهر عطاتهم باش تتزوج بيه ....
نسات ديك الام لي هزاتها تسع اشهر في كرشها بوحمها بتقلها بحلوها بمرها بوجعها، وصبرات على قبلها تحملات متاعب الحمل و متاعب الزوج لي عمرها معاه تفهمات ....ياما سهرات وكبرات وربات ... ياما حزنات على بنتها الى مرضات ولا تجرحات ولدمها سيلات بكات لبكاها حزنات لحزنها وفرحات لفرحها ... ديما واقفة معاها و مسانداها باش في الاخير تختار شخص اخر على ماماها .....
أنت تقرأ
💕💕 قصة الشرف 💕💕 بالدارجة المغربية
Chick-Lit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
