Soulaika Souka
كاتب
#الشرف
🥀منك و إليك انتمي 🥀
"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️
✍️ soukaina soulaika
البارت 272
مطرفة في الجنب كتسمع فيهم ، هزات حاجبها من كلام يعقوب على البنت لي غدي يتزوج بيها و كتسأل في نفسها شكون هي ، بقات واقفة في بلاصتها و راخية ودنيها كتسمع لبقية الحديث ...
_ الحاج علي : الله يكمل بالخير اولدي ، نت ولدي و البكر ديالي و لي درتيها انا معاك فيها ...، و انا متأكد انك غدي تكون ختاريتي المراة لي تليق بالمقام ، هضرتي مع وليديها رصيتي الأمور و رگلتي كلشي ...!؟
الموافقة ديال باه كانت كتعني ليه بزاف ، مكيناش شي حاجة بلا رضى الوالدين و موافقتهم ، السخط طول 35 عام لي دازت من عمره و هو مبعد عليه ..، و جي حتى لدابا لي محتاج رضاه و يقلب على السخط .. تصرفات باه كتعصبو حيت كيشوفو غير كيرون و صافي و هو عارف راسه اش كيسوى ، يهضر مرة و زوج و ثلاتة و لكن إلى نت بقيتي على حالك و هضرته منفعاتش معاك غدي ينوضها معاك لدرجة يقطع كلامك و يحطك سطلة بلا تقرقيب و يدير راسه مكيعرفكش ... و هذي هي أخيب حاجة فيه لي مكينكرهاش و عارفها و معتارف بيها .... تقاد في الجلسة راخي راسه ، هدفه وصل ليه صلح الأمر مع باها غير بالفن و شد الموافقة و الرضى على زواجه ..
_ يعقوب : مكنتش باغي نزرب حتى نهظر مع صاحبة الشأن كلشي بيديها هي و ملي شديت الموافقة اول واحد خاصه يعرف هو نت و ملي حتى نت موافق ، نشوف إن شاء الله شي وقيت و نهضر فيه مع ولي أمرها و نتمنى خير ...
_ الحاج علي : مزيان مزيان ، ميتخافش عليك راك تربية لآلة عيشة ما عندي منتسالها مربية راجل من صلب رجال ...
_ يعقوب : (ضحك على باه لي كيشكر فيهم) الحمد الله و الله يحفظكم لينا تيجان فوق الريوس ... ايوا هذا هو نتمناو من الله تيسير و كل ما هو خير ...
غير حسات بيهم خارجين و هي ترجع باللور حتى قاست ڤاز محطوط في الجنب على شكل ديكور مال على الحيط صادر صوت ، نتابهو ليه و عرفو بلي شي حد كان كيسمع كلامهم ، هز يعقوب عينيه في باه كيحرك ليه في راسه .. الحاج تحرج و عرفها هي مولات الفعلة و هدشي وصاها و قال ليها تبقى لفوق مانزلش ، عارف ولدو كيبغي هضرتهم تبقى بيناتهم و معزيزش عليه تبرگيك و قوة التصنات و لي خاف منه حطاته فيه ، هرب منه عينيه مقدرش يشوف فيه كيسمعو غير كيهضر ...
يعقوب : الحاج زير شويا السمطة راك رخيتي ، الماء بدا يسيح من تحت رجليك
وقف من بلاصته كيقاد في سرواله هز سوارته و تيليفونو ، سلم على باه لي خرج معاه حتى لبرى بلاما يجاوبو على اش قال ليه و حتى يعقوب ما بغاش يحكر عليه كثر ...
أنت تقرأ
💕💕 قصة الشرف 💕💕 بالدارجة المغربية
ChickLit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
