💕💕 قصة الشرف 💕💕 بالدارجة المغربية

😊 الفصل 30😊

#الشرف#

⚪دماء شرفي⚪

Soukaina soulaika

البارت 171

خارجة من الدوش كتنشف في شعرها ، مسمعاتش بهية فاش دخلات ، طلات في الصالون لقاتها كتصلي ، قلبات الطريق للبيت تشوف البنات مع وصلات البيت مع غوتات وتين ، دخلات بالزربة هزاتها كتسكت فيها باقي ما رداتش البال ل تالين دعقاتها وتين بالغوات ، بزز سكتات ، ضارت تشوف فين تالين حتى جمدات بلاصتها على منظر حبس فيها النفس ،

كنتمنى ما يكونش لي كيضور في عقلها صحيح ، حطات بالزربة وتين و مشات عندها هازاها من تحت المخاد كتقلب ليها النفس غير شافتها مكتنفش غمضات عينيها مصدومة سامحة ل دمعة بادرة تنزل على خدها ، ديك الدمعة بروديتها كي برودية اطراف تالين لي بدا لونها يتبدل ، جلسات على الارض فاشلة و البنت بين يديها ، الدنيا كدور بيها ،

في وسط الصلاة حسات بقلبها ضرها و بحال شي نغزة دكاتها فيه ، بدون شعور حطات يديها على قلبها كطبطب عليه ، مكملة صلاتها ، مع نهاية الصلاة سمعات الغوتة ديال وتين لثاني مرة ، محسات براسها حتى وصلات عندهم للبيت ، غير شافت تالين مخشية وسط حضن سعاد لي كتبكي و تحرك راسها ، تقدمات ل عندها بإستغراب من حالتها و دموعها و الشدة لي دايرة ل تالين

_ بهية : مالك ا ماما علاش كتبكي ، اش كين ، و علاش شادة في تالين راه ماشي هي لي كانت كتبكي راه وتين هديك

سمعاتهت لكن القدرة باش تجاوبها معندهاش ، طلعات فيها عينيها لي غارقين بالدموع كتشوف فيها بنظرات ضروها في قلبها و خوفوها ، شويا ب شويا بدات تفهم اش كين ، حركات راسها بنفي بسرعة مبعدة اش كيدور في عقلها ، طارت عليها محيداها ليها من يديها ، تخلعات فاش شافت لونها مبدل بدات تفيق فيها و تنخض

_ بهية : تالين فيقي اماما حلي عينيك تالين تاااالين واااافيقي فيييقي تاااالين ، مضحكيش هذ الضحك الباسل تاااااالييين نوضي نوووووضي فيقي حلي عوينااااتك فيا نوضي ا ماما نوضي تالين ا بنتي منقدرش لا لا لا ميمكنش اربي منقدرش عفاااااك ا تالين غير فيقي ما بقيش ندير ليك المخاد غير فيقي و تااااااالين واااااربي ما تحرمنيش من بنتي

بغواتها خلعات وتين و حتي هي كسرات الدنيا بي البكى ، هي تبكي و بنتها تبكي ، شادها لصدرها راكعة على الارض كتنخض فيها باش تفيق ما بغاتش تتقبل فمرة انها ممكن تكون ماتت ، مرة تحط يديها على نيفها تشوف واش كتتنفس مرة تحسس دقات القلب ، السيدة غدي تهبل ، تلفات و الارض شدات كتبكي ، و ترد اللومة ل راسها

_ بهية : نوضي عفاك ا بنتي عفاك الى ما غير فيقي ، انا انا لي حطيت ليك المخاد انا لي قتلتك واربي راني قتلت بنتي و قتلت بنتي ، تالين ا حبيبة حني في ماماك ياك غير قبيلة قلتي ليا ماما نوضي ابنتي قوليها ليا بغيت نسمعها