#الشرف#
⚪دماء شرفي⚪
Soukaina soulaika
البارت 130
بالفرحة ديال واليديها لي غدي تشوف اخيرا بعد فراق شهرين و زيادة ، خرجات كتجري من بيتها في اتجاه بيت وصال ساعة ما لقاتهاش و حتى كوثر ما كيناش ، عمران متقدرش دخل عليه ل بيته واخا ولات زاعمة عليه و زاعم عليها ، لكن محتارمين بعضياتهم ،
نزلات بالزربة كتجري في الدروج ناسية راها حاملة ، وصلات الدرجة الأخيرة و فلتات ليها رجليها كانت غدي تجي على كرشها كون ما حفظها الله و شدات مزيان في الحيط ، وقفات حتى حيدات منها الخلعة ديال الطيحة و هي تكمل في اتجاه الكوزينة ل عند حليمة لقاتها يالله سلات شغلها و خارجة حتى كطيح عليها بهية بتعنيقة مقفزاها ...
_ حليمة : الله يابنيتي و مالكي عليها ، اش تتساليني
_ بهية : هههه خالتي انا فرحانة بزااااف بزااف فرحانة
_ حليمة : ايه النويويرة اش فرحك ، فرحينا معاك و الله يدومها عليك فرحة ياربي
كضحك من قلبها حتى كيتسدو عويناتها و يتهزو حنيكاتها لي عمرو ، كتعبر و تشرح بيدها و تعاود ، تخلي لي كيتصنت ليها يضحك معاها غير من طريقة هضرتها و ملامحها المبشورة ....كي عرفات ان واليدين بهية جاين فرحات بيهم و ناضت توجد باش تستقبلهم ماشي غير هي لي فرحات كلهم فرحو معاها ،
اليل وصل كل واحد مخشي في فراشه غرقان في نعاسه من غيرها هي لي بالفرحة كتقلب من بلاصة ل بلاصة هاهي ناعسة هاي جالسة هاهي كتهضر مع الأجنة المهم تلف الوقت حتى يوصل الصباح ، و كي شرقات الشمس ناضت من بلاصتها تجري باش تشوف واليديها ، بحال ديك البنت الصغيرة لي كتتسنى الاب ديالها كل نهار امام الباب باش يعطيها الحلوة ديالها ....
وصلو لمراكش في منتصف الليل وقررو باش انهم ما يبرزطوش الناس يشدو اوتيل حتى لصباح عاد يجيو عندهم ، و داكشي لي كان حتى هوما من شوقهم لبنتهم خرجو من الاوتيل بكري كيتاصلو بيها باش تتعرض ليهم حيت ما عرفينش الطريق ....
#الشرف#
⚪دماء شرفي⚪
Soukaina soulaika
البارت 131
راكبة هي ووصال في اللوطو ديالها و غير كضحك ، الدنيا ما قادها بفرحتها ، كل شويا تقول ل وصال واش انا هي هاديك واش كنبان مزيانة راه ماما كانت كتخاسم عليا الى ما كنتش مهلية في راسي او ملبساش مزيان ... و حتى هي متفهماها و عذاراها راه الواليدين شي حاجة لي بزاف و ما يحس بدقتهم غير لي مجرب فراقهم ....
و اخير وصلو فين تافقات معاهم تتلقى ، نزلات من اللوطو بالزربة كدور عينيها على البلاصة ساعة ما بان ليها والو كتقلب و تعاود حتى كتشوف طاكسي وقف قريب منهم حتى كيتحل الباب و كتنزل منه سعاد ،
أنت تقرأ
💕💕 قصة الشرف 💕💕 بالدارجة المغربية
Chick-Lit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
