#الشرف#
⚪دماء شرفي⚪
Soukaina soulaika
البارت 43
توجهات لدروج تتسلت مرة خرى دايرة احتياطها لا يشوفها شي حد ...... ، كتقول مع راسها "ما شافهم ملي كانو يسرقو ، شافوهوم ملي بغاو يفرقو " هي ديالي انا ...... ،
ما رتاحت حتى للمسجد بالظهر عطات و على الحانوت قلبات باقي تاتلف عليها البلاصة كولها ، ل مرادها وصلات و قفات كنتسنى نوبتها ......
وجهات كلامها ليه دافعة الجبهة حيت اللهجة عليها غريبة ....
_ بهية : السلام عليكم ا شريف
_ البقال : و عليكم السلام ، شني خاصك العايلة
_ البهية : عطيني عفاك 3 خبزات و 3 فرماجات و نص لتر حليب .....
_ بهية ؛ مرحبا
خدات سخرتها راجعة ادراجها تتسلت مرة خرى ..... خافت تخسر المخبأ الوحيد لي عندها حاليا و متلقى فين تبات ..... جلسات على ديك البونجة ، يالله بغات تجبد ما تاكل حتى كتسمع الحس ديال شي حد معاها في السطاح جمدات بلاصتها قلبها كيضرب بسرعة دنيا كدور بيها كتقول هدي ل خرى ليها دورك يلقاوها حتى سمعات كلامهم لي توشاها في بلاصتها
_ ياختي انا معرفتش هدشي لي سمعت قاليك شي بنت و لا مرة مخبية هنا فين ما نعرف
_ حتى انا سمعت شي تنقنيقة بحال هكا ، أجي هزي معايا هذ الزربية نشرها ليه ، اه فكرتيني ياك كين بيت هنا يالله نشوفو واش تكون هنا
يالله متوجهين للبيت يقلبوه حتى كيوقفو بلاصتها ملي سمعو شي حد كيعيط ليهم يكملو نشير الزرابي ..... كل هذا مر قدام عينيها رجليها شداتهم القفقافة ......، غير شافتهم مشاو مشات بالزربة جمعات كل حوايجها تأكدات من الفلوس و الوراق ديالها و خرجات من المسجد كتجري ، قاصدة المحطة صافي قرارت ل عند واليديها ترجع ......
#الشرف#
⚪دماء شرفي⚪
Soukaina soulaika
البارت 44
دارت حتى عيات في الاخر لقات بلي الحل لي عندها هوما واليديها ، لي عليهم تخلات فرحانة بزواجها بيه هاهي دابا ليهم راجعة حانية الراس ، شنو ليهم تقول داك لي عليكم فضلت ، طلع شماته و ليا نوى الغدر ، ياما نصحتوني و عليه بعدتوني ، و انا عليه قلت نحيى و نموت غير ليه نكون ، اشنو ستافدت دروك من غير معاكم خسرت و قلوبكم عليا حرقت ،
رجليها دروها و ما عرفة فين هي و لا فين جات المحطة ، قلبات عينيها كتقلب على شي حد حداها لي ينعت ليها مرادها ، الشمس عليها مطنطنة واخا طنجة معروفة ب البرودة لكن اليوم و من زهرها العوج الحال سخن ....
تقدمات عند واحد المرة ، هي لي قدامها لقاتها ، تسولها على المحطة فين جات ...
_ بهية : السلام عليكم ا شريفة
أنت تقرأ
💕💕 قصة الشرف 💕💕 بالدارجة المغربية
ChickLit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
