#الشرف
🥀منك و إليك انتمي 🥀
"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️
✍️ soukaina soulaika
البارت 268
من بعد ما وجدات الغدا و حطات كلشي جالسة كتسنى فيه في الدار لي تافقو يتلقاو فيها ، لابسة كسوة طويلة في الاحمر دموي مفتوحة من الرجل حتى لفخط ..، مقادة وجهها مزيان و شعرها حتى ولات كضرب على الشعة .. تيليفونها بين يديها كتلعب فيه عينيها على واحد التسجيل لي مقيدة عليه السعدية و عقلها كيخمم واش إلى دارت هذ الخطوة غدي تخسر الحاج ..!؟ ياك هي صافي الوراق لي عندها مهمين اليوم غدي يكونو عندها ، يعني سعدية و لا غيرها حتى حاجة ما غدي تخسر ليها مخططاتها ...
سمعات السرسار في الباب عرفاته هو لي كيدق ، مشات لجيهة الباب باش تحل و هي كتمختر في مشيتها و كتلعب بالطالون لي لابسة حتى حلات عليه بإبتسامة كبيرة على شفتيها لي مزينين بعكر فلون الاحمر دم الغزال ، باسته من خده كإستقبال ليه ، خدات من عنده لافيست علاقاتها في العلاقة لي حدى الباب عاد شدات في يديه غادية بيه جيهة الطبلة لي كانت كتشهي بأحلى الاكلات المغربية لي حليتي عليها فمك محطوطة ، في وسط الطبلة محطوطة مزهرية عليها ورود لزينة و شميعات مشغولين و ضايرين بجناب الطبلة ، كلشي مقاد على حقه وطريقه ... جلسو كل واحد في بلاصته و هو مبهوض من الديكور ديال الطبلة لي كتفتح النفس ...
_ الحاج علي : (هز يديه قبلها ليها من الداخل و من برى) هادشي زوين الله يعطيك الصحة ، ايامي معاك ديما عسل في عسل العسيلة ديالي ....
_ زينب : (كضحك ليه بميووعة) ربي يحفظك ليا ا حبيبي ، يالله بسم الله باش ميبردش
الطعام كان بنين ملي بدا فيه ما هز راس حتى شبع مزيان ، حتى هي جمعات يديها مرقباه حتى شافت بلي الوقت المناسب هو هذا عاد ناضت من بلاصتها باش تجبد ليه علبة حطاها قدامه كيشوف فيها بإستغراب ، حرك ليها راسه بتسأؤل على اشنو هذا ، جوباته باش يحلها و كيف حلها لقى فيها صور لجنين صغير بالله في اسابيعه الاولى ، هز اول صورة بإستغراب كيشوف فيها و يشوف في زينب كيتسنى تفسير و حتى هي فهماته و بشرات في الكلام ...
_ زينب : البارح فاش خرجت ا حبيبي مشيت لعند الطبيبة حيت شكيت ، و بغيت نتأكد و فعلا شكي طلع في محله انا بصح راني حاملة يعني غدي يجينا ولد ا حبيبي ...
بقى كيشوفو فيها و يشوف في التصاور لي قدامه بإستغراب باقي لدابا كيحاول يستوعب أن زينب حاملة و قريب غدي يجيه ولد ، تصدم اه تعجب اه لكن واش فرح واش غدي يتقبل الحمل هادشي لي كتحاول تفهم زينب من ملامحه لي باقي حايرين و تالفين بين التصديق و الاستيعاب ...
#الشرف
🥀منك و إليك انتمي 🥀
"أستحق أن يحبني أحدهم بكل قلبه كأنني مُعجزة، وكأنني أكبر إنجازاته"....❤️✨️
أنت تقرأ
💕💕 قصة الشرف 💕💕 بالدارجة المغربية
ChickLit#بقلمي: soukaina soulaika #الكوفر: wii tta *القصة خالية من الخيال، حتى الى كان فراه منطقي......، احداتها مقتبسة من الواقع موضوعها اجتماعي مرتبط بكل امراة عربية ....،مغديش نهضر عليها بزاف من غير انني غدي نوضح ليكم بعض الامور ....، بداياتها...
